لماذا ضي رحمي عاملة أزمة؟
علشان بتعمل اللي عاجبها ومالهاش دعوة بحد
متابعينها عاجبهم اللي عاجبها ومبسوطين
حاجة كده زي حد بيتمشى في حدائق نادي، ناس في التراك شافوه، فكروا احنا بنلف زي الديب السحراوي اللي في ديله سبع لفات ليه، وسابوا التراك وانضموا لها يمشوا بين الشجر
رفع أهمية المتعة عن المنافسة بيستفز ناس كتيرة
اللي أدمنوا العناء في الزحمة بالذات
مش بيصدقوا ان المستمتع ده مالوش هدف وسطهم
وتبدأ محاربتهم لها بناء على خيالهم وعدم فهمهم لاختيارات المتعة
لست من المتابعين القريبين لها، فقط تصادفني منشوراتها سواء على صفحتها أو يشاركها الأصدقاء.. تذكرني بمعاناة البعض وهم يتابعونني قديما أيام الورش الكثيرة المجانية والمسابقات والنشر للشباب، والغل في السؤال بتتعب وتدفع من جيبها ليه.. مع إنه جيبي مش جيبهم وتعبي مش تعبهم
واديني عجزت واتهديت ومجهودي وعطائي مابقاش محصل ٥% من زمان، ومش عاجبة برضه
هذا مجتمع يحتاج حقنة طيبة كل ١٢ ساعة، وقرص عطاء كل ٦ ساعات، لحين زوال الأعراض
وصباحٌ طيب على الطيبين فقط
2
-2
