السعي وراء قتل الطفولة في عجالة بلا تبرير

ليه تدخل ابنك المدرسة صغير لما ممكن تدخله كبير؟

ليه يدخل الزحمة وهو لسه الأخلاق ما اترسختش في سلوكياته؟

ليه يدخل الاحتكاك وهو لسه مش واعي يحافظ على نفسه ازاي؟

ليه يدخل المناهج يشقى فيها ويضطر للدروس وهو ممكن مخه يكبر سنة كمان ويتعلمها لوحده في سهولة شديدة؟

فين الميزة مقابل الأسى اللي الطفل بيشيله على دماغه ده؟

الأسى اللي الأمهات والآباء بيشيلوه في النكد ومصاريف الدروس والقلق مستحق عليهم لأنهم عملوها باختيارهم، إنما الضحية هو طفل كان ممكن يبقى نابغة وتحول إلى كائن مضغوط فاقد البهجة غير مؤهل للسعادة

السنة الفرق دي بتعلم الطفل ((يتعلم)) مش يجتاز امتحان.. بتعلمه بدون ضغط وبدون صدمات.. بيتفتح للإدراك وحرية الأسئلة.. بيوعى على أبوين بيمنحوه مش بيضغطوه

الجريمة المجتمعية الشاملة أولها في البيوت مش في الحكومات، سياسة إرهاق المواطن انتم بتعملوها في عيالكم وبتترد فيكم

الرفق سر السلام، والسلام سر التحضر

وصباح الخير على الطيبين فقط فقط فقط