ماتكسرهاش 

عشان لو ضهرك إتعرى 

تكون وقت المحن سترك 

عشان لو عيدت ف دفاترك 

وبصيت للي قبليها 

هتشكر ربنا عليها

وتلعن قسوتك مره 

عشان ما تغيبش مضطره 

عشان ملامحها من برا

بتضحك ضحكه لو منك 

هعيش طول عمري

 مخسرهاش 

متكسرهاش 

حكينا كتير 

ماملش صوتها من سيرتك 

وملت من غياب غيرتك 

ولعنت بعدها وحيرتك 

وشوق ساعة الغرق قارب 

سابتلك باب ومتوارب 

سابتلك حبل ع الغارب 

وسابت عمرها الشارب 

حنينك يروي أوجاعها 

سابتلك قوه ف دراعها

تضمك تحتمي فيها 

بلاش بالله تطيفها 

مصافي الدنيا ف عنيها 

غيام روحك ماعكرهاش 

ماتكسرهاش 

#أدهم_زهيري 

ورغم ده كله يخسرها

ويكسرها

ويقسمها الوجع نصين

وتتأمل وتسأل ليه

وامتى الغلطة كانت فين؟

بدون أسباب

لا تلقى جواب

ولا تنور بضي العين

يغيب والانسحاب قوة

يضلم روحها من جوة

ولو هتقابله بالصدفة

 من القسوة 

يداري عيونه من عينها

ويعمل روحه معرفهاش

#داليا_فاروق