تأملات فى تاميكوم

فاتت سنة ....
مش من عمرى انا...
طبعا من عمرى ، قصدى مش من تاريخ ميلادى ...
و لكن من تاريخ بدايتى فى تاميكوم ...
و انا بأبص فى تاريخ إشتراكى 3-3-2009
أفتكرت انى دخلت الشغل برضه فى 3
بس 13-3-2004
يعنى مرت عليا 6 سنين فى الشغل ...
ياااه عدوا بسرعة جداااا ... 6 سنين بحالهم رايحة جاية كل يوم ...
بس فى نفس الوقت بقالى سنة فى تاميكوم ....
يااه هى صحيح سنة ، بس حساها طويلة جدااااا
حاسه أنى عملت فيها حاجات كتيرة جدااا
غريبة انك تحس ان سنة طويلة فى حيت ست سنوات قصيرة
!!!!
تأملت فى فكرة ليه حاسة ان السنة كانت طويلة ..؟؟

يمكن علشان حاسة أنى أنجزت حاجات كتيرة جداا فيها ...

يمر من أمامى سيناريو كيف تعرفت على تاميكوم و رئيس تاميكوم ...

فعليا كان من 365 يوم فقط ... الا أنى أحس انها سنوات ...

يمكن علشان عملت حاجات كتير على المنتدى

أتعرفت على ناس كتير فى المنتدى...

ناس مشيت و ناس جت ...

وزراء مشيوا و وزراء جت

كنت مواطنة عادية ، ثم مواطن متميز ... شوية و بقيت وزير ثم مستشار رئاسى ثم صاحب مدونة ثم مساعد رئيس "بالأحمر"

:)

يمكن علشان شاركت 1218 مشاركة فى ال365 يوم (تخيلوا لو فى الواقع أحتفظنا بمشاركاتنا مع الناس)
:)

و وضعت 190 موضوع مابين مواضيع أعجبتنى و مواضيع من بنات أفكارى ...

يمكن علشان تناقشت فى مواضيع كتيرة .... القطارات و البهائية و المراة و الرجل و الإزدواجية و ثورة 2053 و الخوف و و و

أختلفت مع أعضاء و فقدتهم ، و أختلفت مع أعضاء أخرين و أكتسبتهم أصدقاء حقيقين ...

دخلت فى حوارات عميقة و حقيقة مع أعضاء و أحببتهم ... و أحبونى

و هنا تسائلت !!!؟؟؟؟ ( أسمحولى أسأل معكم بصوت عالى أسئلتى، التى ليست بشرط لها إجابة... و أدعوكم لتساؤل أسئلتكم الشخصية)

لماذا أحببتهم ؟؟؟
لماذا احبونى؟؟
لماذا أصبحت مساعد الريس؟؟
لماذا وثقت بكم و دخلت فى حوارات عميقة؟؟
لماذا وثقتم بى ؟؟
لماذا نتكلم ؟؟
هل أثرت فيكم ؟؟
و هل أثرتم فى ؟؟
هل أنعكس تأثرى على سلوكى الواقعى؟؟
و لماذا تاميكوم مهم ؟؟
ما هى دوافعى فى المشاركة على تاميكوم ؟؟ هل لأنى أنتظر إطراء الناس لى؟ ؟ ام لانى فعلا أريد أن أقول راى؟؟

أسئلة أكثر و اكثر
و كلما تسائلت كلما أكتشفت أكثر و أكثر عن نفسى و عن الأخرين ..

و جميعها تصب فى حقيقة واحدة...

أنى أحبكم ...

و أحبكم جدااا

:)