احبها جدا جدا جدا
العمارة وكل ما يرتبط بيها من قريب او بعيد
وهل يوجد شخص بيحب المهنة التى يزاولها بهذه الطريقة
انا بلا فخر
احبها من كل قلبي واريد ان يحبها الناس جميعا مثلي
انتم عارفين سر حبي ليها ايه ؟
دي مهنة جميلة جدا ممتعة شيقة كل يوم فى جديد
يكفى انى لما امشي فى شارع بكون انا بس الى عارفه استشف ورا الشباك الصغير ايه ووراء البكونات دي ايه وبعرف شخصية المبني زي ما بتعرف الاشخاص كده من ملابسهم
كل متعتي فى الحياة انى اصمم واجهة ومنظور وابدع فيها وبتحدي نفسي بشغف عشان اوصل لعمل جميل
انتم عارفين العمارة والتصميم دي اكتر مهنة بتختلط بالمهن الاخري
عارفين ليه
لما بحب اصمم مستشفي مثلا
بدخل جوا الدكتور واتقمس شخصيته عشان اعرف هو محتاج لايه ومتاج لترتيب الاشياء ازاي
انا فاكرة لما دخلت ثالثة عمارة كان عندي مشروع مستشفي , وعشان اصمم المستشفي عملت ايه
كنت بدرس طريقة العمليات بتم ازاى
وجزء التخدير بيكون فين من الغرفة وغرف التعقيم مكانها فين , الخ
يعني باخد فكرة كاملة عن الى بيحصل جوة غرفة العمليات لدرجة انى لما دخلت مستشفي وغرفة عمليات لاول مرة كنت عارفة حتي وحدة الاضاءة مكانها فين ,
ومثال تاني السينما بتتصمم ازاي والمتحف و........ الخ
حتي دراستى لبلد معينه ومعرفة ثقافتها ومعرفة حضارتها بترتبط بالعمارة وازاى بتكون انت عارف البلد دي من خلال معرفتك للعمارة بتاعتها
كانك شفتها
انها مهنة جميلة جدا
انا احمد الله عليها وعلى نعمة حبي ليها واتمنى من الله ان اوفق فيها واكون ذات بصمة معمارية على مر الزمن
اشكركم لحصن استماعكم
دعاء