فى يوم جديد من الدراسة
يه الاجازة عدت بسرعه رهيبة لدرجة انى مش مصدق
زى ما اكون سافرت امبارح ورجعت النهاردة
وبما انى فى جامعه من جامعات الاقاليم
فانا رجعت لقيت البدلد زي ما هي ما اتغيرش فيها اي شيء
لما احكيلكم عن اليوم ده
اول يوم دراسي
طبعا حجزت فى مدينة الطلبة والا اقولكم نبدا من البداية
وانا مسافر بابا اداني 500 جنيه وقالى
- روح يا ابني ربنا يوفقك بس خلى بالك من نفسك ومن الفلوس الى معاك تقضيك شهرين على الاقل
- حاضر يا بابا
طبعا حجزت التذكرة درجة تانية بحوالى 35 جنيه
ووصلت المحافظة الجميلة التى تتوسط خريطة مصر
وذهبت راسا الى المدينة الجامعية وهي السكن الاقل تكلفة فى اي وقت واى مكان
ودفعت التامين وهو 100 جنية وطبعا اقيمة الشهرية وهي 65 جنية
وعشان ما اضيعش وقت رحت علطول على الكلية "هندسة انا دلوقت فى ثالثة عمارة "
ورحت للشئون الاجتماعية للطلاب عشان استخرج الكارنية
الاول رسوم .......... ورسوم ......... ومبلغ ....... ودمغة والخ
المهم
كفاية الروتين والملل الى شفتهم النهاردة
واصل استاذ فلان مش موجود النهاردة وهتعدي بكرة عشان يمضي لك الورق
وهكذااااااااااااااااا








قلت اما اسيب وجع الدماغ ده واروح اشوف صحابي في القسم اللذيذ
رحت واول ما قيت قدامى صاحبي الانتيخ اللذيذ
- اهلا احمد فينك
- انا جيت اهو
- شفت الجدول يا احمد
- جدول ايه ما تقول كل سنة وانت طيب وتعالى نفطر فى الكافتريا الاول
- اصله حاجة ما يتسكتش عليها , احنا عندنا 8 مواد فى الترم والمحاضرات يوميا من 8 والسكاشن وراها علطول لحد الساعه 6 يوميا وفى يومين لحد 8
:confused::confused::confused:


لم اشعر الا برائحة عطر ذكي تقترب من انفي
وانا استيقظ من النوم لا من الغيبوبة الاغمائة
الى حصل اني اغمي على وصاحبي خدني للكافتريا عشان يفوقنى
والى لقاء فى يوم جديد حتي اكون قد جمعت قواى وعرفت امسك القلم