قانون سلب الحق العجيب

كل متفتح الفيس تلاقى كوميك ولا خبر بسخرية عن موضوع صندوق اللى هيتكون من جيوب اللى لسه هيتجوز ! والحقيقة أن الموضوع أشبه بان تكون عندك مشكله أن مثلا فيه ناس بتستاجر مثلا ناس تانى وبيماطلو فى دفع أجورهم بس فعليا فيه قانون بيضمن أنهم يدفعوا فالاخر ويحبسهم كمان! بس ممكن يماطلوا وده ضرر للمستاجرين ..اقوم احل المشكلة دى ازاى؟ على قفا ناس تانيه واستفيد انا كمان! ازاى؟ اعمل صندوق واجبر كل اللى ملوش فيها وملوش ذنب كل اللى لسه ناوى يفتح شركه يدفع فيه ويبقى معايا فلوس علشان ادفع للناس اللى ليهم على شركائهم فلوس متأخرة. فارفع عنهم الضرر المؤقت .طيب اللى عليهم الفلوس دى خلاص كده ؟ لا هيدفعوا برضوا لانه ده دين عليهم هيتحبسوا لو مدفعوش! طب لما يدفعوا هدفع للمستأجر مرتين؟ اكيد لأ.. انا اللى هاخد الفلوس !..دى يبقى انا عملت ايه اخدت من ناس ملهمش ذنب وحليت مشكله صاحب الحق وحصلت من أصحاب الدين لمصلحتى! طب مين المستفيد؟

انا طبعاً! وان كنت حليت مشكله بس على حساب ناس ملهاش ذنب طب ايه الحل؟الحل أن أحصر المشكلة فاصحابها واشوف ايه سببها واقلل من فرص حدوثها واتحمل مسؤليتى ومحملش وزرها لناس تانيه..طب ازاى ؟المشكله مش عند كل الناس اكيد عند المطلقين واللى عندهم اطفال شقاق ودول مش كل اللى اتجوزوا ..ثانيا مش عند كل المطلقين عند بعضهم طب اللى عندهم المشكلة دى ليه بيعملوا كده كلهم أشرار بطبعهم؟ أكيد لأ.. لأن انت معندكش قانون عادل بيحفظ حق الطفل إذا غرضك مصلحه الطفل ونفقته متتاخرش ونفسيته كمان متتاسرش! يبقى تعمل قانون عادل لا يلغي قوامه الرجل اللى ربنا ادهاله على ولاده ولا يكون حقه فيهم شمه! ولا نسميها رؤية لأنها شمه ضررها على نفسية الطفل اكبر من عدمها ..شمه لم يضمنها حتى القانون له ولم يجعل اى عقوبة على الست فمخالفته والتحايل عليه بينما الرجل هيتحبس إن لم يدفع حتى وإن ماطل أقول وان ماطل! وقد لا يماطل وملوش برضو غير الشمه!..كل الدول اللى بتحترم حق الطفل قبل الأب وقبل الام تعلم أن من حق الابن على أبيه أن يراه بطريقه ادميه.. أن يرافقه ويصطحبه فمعظم الدول الإسلامية المطبقه لشرع ربنا مسمهاش (رؤية) اسمها (اصطحاب )ياخد ابنه فايده يخرج بيه للشارع لبيته يوريه أهله يبيته عنده ويرجعه تانى ..فاوربا والدول المتقدمة فيه رعايه مشتركه لأنه مش ملكيه لطرف واحد بل طرفين كل واحد ليه حق فيهم وللطفل حق فكليهما ..طب هياخد الطفل وميرجعوش ابقى خد الضمانات اللازمة ابقى اعمله عقوبه الشنق لو مرجعوش! انما الشمه اللى بيسميها القانون رؤيه ده تهريج عدمه افضل ومهازله لا تحصى وتاثيره سلبى على نفسيه الطفل ..شمه لو التزمت بها الحاضنه وده مبيحصلش ابدا 3ساعات فالاسبوع دون الخروج به حتى للشارع! بتبقى ساعه او ربع ساعه ومره كل 3اسابيع يعنى ربع عشر شمه! ومفيش أدنى عقوبه على الحاضنه فمن آمن العقوبه قطع الرحم وأوجد لنفسه العله حتى لو الاب بيدفع ! الاولى حل المشكلة من جذورها واعطاء كل ذى حق حقه وفهم ما يتفق مع الشرع بل وحتى ما أدركته الأمم التى يهمها مصلحه الطفل أولا وأن حق الطفل على أبيه مش بس نفقه بل صحبه ورفقه وتعلم وإحساس بوجوده.. لما يبقى فيه قانون بيحقق ده ابقى حاسب بقى اللى بيماطل ولا اقول اللى مبيدفعش لأنه هيتحبس لو مدفعش أقصاه مماطله !..وساعتها اللى لسه بيعمل كده أبقى اعمل فيه اللى انت عايزه زود العقوبه زود النفقه عليه بس لمصلحة الطفل مش الدوله وساعتها هتلاقي نسبتهم أقل ما يمكن وتبقى الدولة تطلع من جيبها وتتحمل مسؤليتها وتصرفلهم من المبلغ اللى ناويين يدعموا بيه الصندوق اللى عايزين يعملوه ويحصلوه من المماطلين بس واخدين حقهم فاولادهم! إنما متشيلش ناس لسه هتبتدى حياتها وملهاش ذنب وزر ناس تانيه أغلبهم برضو ملهمش ذنب أنهم محرومين من ولادهم وبالقانون!. والناس اللى دائما تغلط الرجل على اى وضع واصرف وخليك اب ومش مهم تشوفهم ومتشرطش ومتعندش! لا حضرتك مهو الاب اللى بيعمل كده وبالتجربة بياذى نفسه وبيؤذى ولاده بشكل غير مباشر وغير مقصود لانه بيساعد الطرف الحاضن على قطع صلته باولاده ..الأب اب فكل حاجه ولما تكون مكانه انت ولا اخوك ولا ابنك تدوق وتشوف ابقى ورينا هتعمل ايه!