من شويه شفت منشور لحد بيتكلم عن حد بادر بنفسه لربه ومقدرش يستحمل الأذى اللى ربنا بس أدرى بيه وانتحر! وكلام وجدال ودعاء بالرحمة من المعلقين على المنشور وتفكر قد ايه الإنسان ضعيف وقدرته على تحمل العذاب صغيرة وطاقته على الصبر محدودة وعمره محد من أهل العافيه هيرحم حد من أهل البلاء ولا هيحس بيه بس هيسلخ ويجلد ويوديه النار!..وتفهم أن أجمل شىء وأكثر ما يطمئن أن الحساب بايد ربك مش خلقه حتى امك و ابوك اخوك مش هيحسوا بيك زى ربك هوه بس اللى عارف وهيعذر ..ومش عارف ليه افتكرت المنشور اللي كتبته هنا
واللى أنا كتبته فوقت كنت فوضع افضل بكتير من دلوقتي على الأقل على مستوى المعاناه وأشكال وألوان من الضر لم أتخيل أن اتحملها ابدا ولا عشرها حتى ربنا كشف بعضها عنى ويكشف بفضله ما بقى منها ويعفو عنكم منها.. الحمد لله على ما كان وعلى اللى أنا فيه اكيد أنا مش هشكو ربى ولا حالى وهو منى به أعلم بس مش عارف ليه افتكرت المنشور ده واللى مكنتش فاكر أنا كتبته امتى بس فضلت ادور فمنشوراتى القديمه لحد ملقيته.وفى اخره وعلى لسانى قلت إن أهم شىء الدعاء والصبر أكيد دول اهم حاجتين وكلاهما إلهام وتوفيق من الله.. سترنى كتير ولطف بى كتير وعشمى فيه كبير أن يكون فرجه قريب رب انى مسنى الضر وانت أرحم الراحمين.. حياه مهما طالت قصيره وتعب يأذن ربى بنهايته قريباً جدا وأقرب مما اظن الرجاء فيه وحده فيارب... دعواتكم
2
-2
