عليّ صوتك يا باطل إنت مش مسموع
عليّ صوتك وتاجر بكل بيت موجوع
صوت الحق مهما صغر زي الآذان مرفوع
عارفك يا باطل عايش على جراح الوطن
عارفك مستعد تفرح بالمحن
عارفك ده تاريخك عبر الزمن
اللي عارف واللي مش عارف كله بيقول
الرئيس راح الرئيس قال هو ده معقول
وليه الرئيس قال قبل ما الباطل يقول !!
عجبي عليك يا باطل كان فين بس صوتك
قبل ما ينضر قوتك
قبل كرسيك اللي راح والا جه موتك
يا باطل قلبي مش حبك
لحقدك لكرهك لسواد قلبك
يا باطل تعبت من ظلمك
ليه في كل مصيبة ألقيك بتتكلم
وكل فرحة وطن ألقيك بتتألم
صابر يا باطل أنا ، لحد ما تتعلم
صابر والصابرين كتير
حبهم للحق حبهم للخير
ساجدين لله والايدين رافعين
بندعي بالنصر وللشرع بالتمكين
انت عالم بحال العباد يارب العالمين