الحج رمضان تاجر ورجل اعمال 52سنة : بس أنا بحب الراجل ده*
هو : بتحب حسني مبارك
الحج رمضان : بحبه لشخصه بس اللي حواليه كانوا بيوصلوا الصورة غلط*
هو هروبا من وجع الدماغ : ربنا يصلح حال البلد*
الحج رمضان : جدي مكنش لاقي ياكل زمان واحنا في زمن مبارك الاكل اشكال والوان*
هو مخنوقا : ايوه على رايك وركبنا سخانات في البيوت علشان ننظف سلام يا حج*
*
*
خميس اللبان 57 سنة : مش اشتركت في حزب الحرية والعدالة*
هو : بجد مبروك يا عم الله يسهله*
خميس اللبان **:متعرفش هيوزعوا التشرتات والكابات امتى
هو : لا وأنا هعرف منين وبعدين أنت اشتركت علشان التشرت*
خميس اللبان **: لالاالناس دي ميه ميه من زمان أنا بس اهو ناخد أي حاجه تنفع ، هو أنت مش مشترك في الحزب*
هو : لا لسه سلام
*
*
الحج أحمد الميكانيكي 55 سنة : ازيك عامل ايه*
هو : الحمد لله بس.......
الحج أحمد الميكانيكي **مقاطعاً: هي المشكلة في بس دي لو نحمدوا ربنا ويكون عندنا رضا
هو : ايوه عم أحمد انا مقلتش حاجه كنت هقولك العربية عايزة تتصلح علشان وقفت مني*
الحج أحمد الميكانيكي **: احمد ربنا انك عندك عربية ، احمد ربنا على طول تعرف هقولك حاجه*
هو : قول يا عم أحمد
الحج أحمد الميكانيكي **: يوم الجمعة كنت بافطر في البيت لقيت خمس اصناف اكل ادامي فول وفلافل وبيض وجبنة وحلاوة ده غير العيش والله اقعد ابس للاكل واحمد ربنا كتير ووالله شبعت حتى من غير ما اكل غيرنا في مجاعة*
هو : قليل اللي بيحس بنعم ربنا عليه *يا عم أحمد*
الحج أحمد الميكانيكي :بقولك ايه كنت عايزك تكتبلي حاجه على الكمبيوتر
هو : ايه يا عم احمد
الحج أحمد الميكانيكي : لا شوية أدعية وكلام علشان الناس ترجع لربنا عايز اوزعهم يوم الجمعه بعد الصلاة*
هو : ماشي يا عم أحمدعلشان ناخد ثواب معاك *