محدش بيصدق ان عندي مشاكل واني مثقلة بالضغوط واني طول الوقت بجري لانجز مهامي اليومية في الاعتناء بأسرتي و تنظيف بيتي و طبيخ وغسيل و غيرهم 

ليه؟ 

لاني بعتني بنفسي 

بشياكتي بمكياجي بتواصلي مع الاخرين بخروجي مع صحباتي ودة انا بشوفه مالوش علاقة لا بالمشاكل ولا بالضغوط 

انا كدة 

طبعي كدة 

طريقتي في حياتي كدة 

وعشان كدة محدش بيقدّر اني ممكن اكون بمر بوقت عصيب 

انا فعلا بمر حاليا بوقت عصيب جدا 

ودة مش معناه اني هندب حظي واتوقف عن الحياه ..

  دايما بشوف ان كل مشكلة ولها حل و كل ضيق وله مخرج وكل شئ وله بديل 

و لن تمنعني الضغوط عن كتابة الشعر او عن حضور امسيات شعر وطرب ولن تمنعني عن سماع الموسيقى او اني اعيش حياتي بالطريقة اللي احبها 

اللي مش عاجبه نظامي واسلوبي يفارقني 

بمنتهى البساطة كدة 

لكن انا مش هغير نفسي عشان حد ولا هحاول استرضي حد ..

لما بتخنق اوي ببقا عايزة افضفض ..

افضفض بعناوين بس مش لازم احكي تفاصيل 

وانا دلوقتي مخنوقة وبفضفض معاكم شوية 

معلش استحملوني واللي بيحبني يدعيلي من قلبه 

على فكرة انا بحبكم جدا جدا حتى من غير ما اشوفكم 

ربنا يكفيكم ويكفيني شر النفوس وشر الضغوط المفاجئة ويحفظكم ويحفظني يارب العالمين ????❤️❤️