مساء الخير ????????..
كلنا بنمر بمحن وازمات بإختلاف المواقف واختلاف الاشخاص والاماكن وكمان بإختلاف قوة تحملنا .. اوقات بنحس ان الحمل بقي تقيل اوي .. اوقات بيبقي نفسنا ننهار بس خايفين ان الي حولينا يشفقو علينا .. او في ناس مسنودة علينا ف مينفعش نبين اننا ضعاف .. ونفضل نراكم انهيار ورا انهيار لحد ما ف يوم ننهار عشان هنشرب شاي من غير نعناع مثلا ????
بنحتاج اوقات اننا نفضفض عن الي جوانا محتاجين ناس تسمعنا من غير اصدار احكام سواء كنا غلطانين او لا .. اهل او اصدقاء .. لو معندكش حد تفضفض معاه اكتب كل الي انت حاسس بيه في ورق وخرج كل الي في قلبك مؤمنة جدا ان الانسان طبيب نفسه وهو الي قادر يتخطى اي شعور سئ وعارف علاجه فين ????♀️
لازم نحترم لحظات ضعفنا بس منستسلمش استسلام كامل ونوقف الحياة على كده ربنا قال ان مع العسر يسرا .. مع العسر يسر مش بعديه لا دا معاه .. ونسأل ربنا العوض عن كل اذى معنوى ومادى شوفناه عن كل حاجة جرحتنا كل شعور قاسي مرينا بيه .. العوض الي ينسينا مرارة الي شوفناه ..
واخيرا لازم دايما نفتكر ان المنح تكمن في المحن ❤❤
2
-2
