"ده كان بيتهألك".. "انت ماكنتش واخد بالك".. "أنا كنت باهزر".. "انتى بس اللى حساسة شوية".. "ده جنان ده".. "انت مريض/ انتى عيانة".. "انت مكبر الموضوع".. وغيرهم.. 

إن حد يشككك فى نفسك..

إن حد يشككك فى عقلك.. فى اللى بتشوفه.. فى اللى بتحسه.. فى اللى بتفكر فيه..

إن حد يؤكدلك انك انت السبب.. وانك انت الغلطان.. وانك انت الجانى.. مش الضحية..

وانك تبدأ تتلخبط.. وتشك فى نفسك.. وتصدق.. وتحس بالذنب.. وتتنازل.. وتعتذر.. 

يسموها بقى gas lighting.. يسموها (قلب الترابيزة).. يسموها (توكسيك).. مافيش اسم ممكن يوصف احساس اللى بيتعرض لده.. سواء كبير.. أو صغير..

دى أبشع لعبة نفسية ممكن يلعبها أى حد.. مع أى حد.. 

زى السرقة.. وزى الذنب..