حياتنا

في ناس في حياتنا اتفرض علينا اننا نقابلها بحكم الدراسة او الشغل او حتى رياضة معينة كنا بنلعبها ... احنا معندناش اوبشن نختار الناس الي بنقابلها الموضوع كله اقدار ... لكن احنا نقدر نتحكم في دور الناس دي في حياتنا 🤷‍♀️ 

حياتك دي قصتك انت الوحيد المتحكم فيها .. انت الي بتقرر مين يستمر معاك ومين كفاية عليه السلام 😏 خروج بعض الأشخاص الغير اسوياء او المؤذيين بيكون بإرادتك انت ...

الطبطبة على الناس المؤذية مش هيفيد لا خالص بالعكس وقت ما تكون انت وصلت لمرحلة الانفجار هيستغربوك ما احنا كنا بندوس على وشك وانت كنت عادي ايه الي جد ؟؟ 

اينعم احيانا المواجهة بتكون مش مجدية بس على الاقل تكون وضحت انك مش قابل تصرف معين او كلام معين وان لو الشخص باقي عليك مش هيعمل تصرف او يقول كلمة بتضايقك .. 

داخلين سنة جديدة نتمنى ان ربنا يحاوطنا كلنا بناس مريحة نحب وجودها ويحبوا وجودنا معاهم .. ومنبقاش تقال على حد ... 

انا ممتنة جدا ليكوا جميعا والحقيقة معتزة بصداقة الجميع ودايرتي الصغيرة الي اختارتها بإرادتي تكمل معايا ❤❤❤ واتمنى اني اكون انا كمان خفيفة على قلوب الناس الي حوليا وميكنش حد زعلان مني ...