عزيزي الخاضع، 

رسالة من القلب للقلب 

انا عارفة اني باينة ليك شخصية مسيطرة، و حاسس انك هتلاقي معايا اشباع لميولك و احتياجك للخضوع 

لكن قولوني العصبي لا يتحمل قلة ادبك و لماضتك و كتر المناهدة اللي بتناهدها فيا عشان تخليني أشتمك ! 

متسيبني أشتمك بدون حوارات

——————

عزيزي الخاضع

انا متفهمة تماماً انك عايز لما تخضع لواحدة تكون ليدي و تكون فخور قدام نفسك انك خاضع لست يتمناها اي راجل، 

لكن صدقني انا زيي زيك بدور على راجل أكون انا الشخص المطيع ده ليه، فتخيل القفلة لما تحطني في دور عكس دوري الفطري لمجرد انك شايف مني الوش الذكوري بتاعي !!!! 

فمش هتجوز منكم

الواحد عايش بالوش الذكوري في شغله بالعافية، لكن صعب اوي عليا يكون لايف ستايل او يمتد لحياتي الشخصية 

صعب  

———————

عزيزي الخاضع 

جرب تتقبل ميولك و تشبع رغباتك مع زوجتك العزيزة اللي انت مقتنع تماماً انها بتحبك ! بس سبحان الله متعرفش حاجة عن ميولك 🙂 

جرب تكون واضح و صريح و حقيقي مع شريكك العاطفي مش معايا ولا مع الناس ع الانبوكس !

بجد و الله حياتك هتحلو جداً 

————————

عزيزي الخاضع 

مفيش فضيلة في انك عايش بوشين، وش بتمثل بيه عشان يرضى عنك المجتمع و مراتك متسيبكش

ووش مبينهولي انا و بس !!!! 

يخي ما انا من المجتمع مش فاهمة مستثنيني ليه !

————————

عزيزي الخاضع

انا لما صوتي بيعلى في خناقة بقرر اني عايزة اتطلق عشان ده راجل مش أمين على حالتي النفسية و بيرهقها 

فتخيل انت عايز واحدة تشتمك و تهزقك و تتخانق معاك طول الوقت عشان تحس انك بخير !!!! 

يعني انت تتبسط و انا أمرض !! 

————————

عزيزي الخاضع 

انا متفهمة انك مقدر ذكائي و عارف اني بحترم الراجل و الرجولة و اني مبحكمش على حد لمجرد ان عنده انحرافات و ميول، و لكن افهم ارجوك ان ده بحكم شغلي 

انت مش هتروح لحد بروفيشنال يقولك انت ازاي و ليه و عشان ايه! ، ما طبيعي هيتعامل مع حالتك بدون احكام 

———————

عزيزي الخاضع 

أمك الله يهديها محدش علمها تربي ازاي

فكانت بتزعق و تصرخ و تضرب اوقات كتير، فبقى ده الاسلوب اللي بيحسسك انك في أمان و قادر تنفتح عاطفياً 

أمىك هبىلة

فحاول تتفهم ان دي دايرة محتاجة تتشافى فتكسرها مش اكتر، لو انت عملت ده كلنا هنتبسط. 

——————

عزيزي الخاضع …. انا زهقت