أول ما حد يحاول ياخدك من وضع التفاهم لوضع التنافس 

سيبيه يلعب لوحده 

انتي أنثى مش مضطرة تنافسي حد ابداً 

و لما حد يحاول ياخدك من وضع البرنسيسة لوضع اننا شركاء و نينيني

سيبيه في العلاقة لوحده 

انتي أنثى مش مضطرة تتساوي بحد ابداً 

و لما حد يحاول يجريكي وراه او يخليكي تهتمي بيه

سيبيه يحاول مع نفسه 

انتي أنثى انتي اللي يتم السعي عشانك 

و لما حد يحاول يحسسك ان مسؤولياته و مهامه أهم من مسؤولياتك و مهامك 

سيبيه يقنع نفسه 

انتي أنثى مش فاضية للمعارك التافهة دي 

و لما حد يحاول يحسسك ان طبيعي يسيطر عليكي و يتحكم فيكي 

ليكي حق تبعدي عنه و تنفري منه 

انتي أنثى وراكي مسؤوليات مش فاضية للعبط العاطفي ده 

الخ الخ الخ 

لما تلاقي حد مش شايف غير نفسه في علاقته بيكي 

مش وظيفتك ابداً توريله نفسك كإنسان عندك اللي عنده و زيادة 

لكن دورك توريله نفسك كأنثى … 

شرا بقى وللا مناهدة ؟ 

ببساطة …. هو حر