لما تبدأ حياتك إتجوز إتنين مع بعض و عيشهم عيشة ضنك و لما ربنا يفتح عليك إتجوز التالتة
عشان لو إتجوزت واحدة و رجعت إتجوزت التانية بعد ما ربنا يفتح عليك هتتفضح و هيقولوا الفلوس غيرتك و انك غدرت بالست السند
فإثبتلهم إنك معدد بفلوس أو من غير فلوس
حتى لو هتضطر تسرحهم يشحتوا في الشارع و يمسحوا سلالم !!
————
مش فاهمة بجد عاملين ليه من الزوجة الأولى و دورها بطولة !!!
هي واخداه و هو ميساويش كإنسان مش بس كفلوس و ده اللي رغبته و رضيت بيه خلقاً و ديناً
وللا هي واخداه في نيتها تربيه على إيديها ؟ و لما يكبر تعتبره زوج بقى و تبدأ تحترمه و كده
و التانية رضيت بيه بنسخته الجديدة، مين قالك ان لو كان اتقدملها بنسخته اللي اتجوزتيها انتي كانت وافقت !
—————
انتي إتجوزتيه صغير، هي إتجوزته كبير
انتي إتجوزتيه و جبتي أطفال عاش معاهم لحظة بلحظة، هي هتجيب أطفال متعرفش هيعيشوا معاهم أد ايه
انتي إتجوزتيه في عز شبابه قادر يتنطط و يروح و ييجي معاكي و يجري و يسعى، هي إتجوزته هلكان و عايز ينام و يرتاح و يهدأ
و غيره كتير
و لو رجع بيكي الزمن مش هتختاري إختيار الزوجة التانية دي خالص بردو و هتحبي تتجوزي بدري و تتجوزي شاب
فخفوا أحكام و صياح و عيش في دور المظلومية الممل ده.
2
-2
