من أكتر المشاعر الصحية في الحياة هي مشاعر الغضب
بس توظفها صح
مشاعر الغضب لما بتتكبت بتمرض و بتعمل مشاكل كتير صحية و نفسية
و كتير هتلاقي ناس يظهروا رايقين لكن جواهم غضب يكفي يملى العالم و العوالم الموازية
في فيلم
" Anger management “
البطل كان لطيف جداً للدرجة اللي لا يمكن حد يتخيل ان ده بيعاني من الغضب الشديد و ان دي المشكلة اللي معطلاه في حياته أساساً و خارباها
فلما تسمع حد يقولك خد نفس عميق و فكر في مكان لذيذ و البتنجان ده متتوقعش ان دي الحجات اللي هتهدي أخلاقك خالص و حاسب لتكبت الغضب جواك
خلينا نتفق ان تغيير المكان و الصبر شوية قبل الرد دي حجات بتكفيك شر الغلط وقت الغضب
انما الغضب نفسه مبيروحش غير بحاجتين
١- اما التشافي
٢- اما القصاص
و اللي يقولك غير كده بيشتغلك و بيبيعلك الهوا
التشافي يحصل في حالة ان سبب الغضب قديم او في الطفولة و المسبب للغضب شئ غير قابل للتعديل او مجهول أو صعب توصل له
و القصاص في الحالات اللي يجوز فيها القصاص و بالطريقة الصحيحة للقصاص
مشاعر الغضب بتخليك تغير الأوضاع اللي ميتسكتش عليها
و بتخليك تدرك ان حدودك دلوقتي تم انتهاكها و ان في حاجة مسببالك أذى
و بتخليك تتعلم ازاي تفرض حدود لأي حد بيتجاوزها معاك
انما تشيل في قلبك و تحوش و تقنع نفسك انك كده انسان لطيف و صحيح نفسياً و عاطفياً
متتفاجئش لما يطلعلك المشاكل دي في هيئة أمراض جسدية بعدين
2
-2
