تطبيق نظرية ال Shadow self 

تعالوا نطبق نظرية ال

Shadow self 

دي على اللي حصل لآية صاحبتي 

آية شخصية مش ظاهر منها أي شر ولا بتتعامل بيه مع الناس خالص 

هل ده معناه انه مش موجود ؟ 

لأ موجود و كانت بتستخدمه للدفاع عن نفسها و محاولة تغيير جوزها ده للأفضل 

و دي غريزة اي ست عايزة تكمل مع راجل بتحبه …. بتتحداه عشان يكون شخص أفضل

التحدي ده يا بيحصل بشكل واعي يا بيحصل بشكل غير واعي 

بيحصل بشكل واعي بإنك بتواجهي و بتوضحي نفسك و بتعبري عنها كما هي و بتدي فرص مرة و اتنين و كتير 

يا بيحصل بشكل غير واعي بإن مثلاً جوزك عصبي و انتي هادية … فهدوءك الشديد ده بينرفزه جداً 

الرجالة بتزعل أوي لما تكون الست بتتحداه بشكل واعي 

و بيتعاطف جداً لو التحدي ده بيحصل منها بشكل غير واعي

——————

و مش الرجالة بس بأمانة ! ما انت لو حسيت ان اللي قدامك ده بيتحداك هيحصل منك حاجة من اتنين 

١- يا هتتبسط و تعتبرها فرصة تطور فيها من نفسك …. و ده توقع مثالي أوي  

٢- يا هتزعل و تحس انه متآمر هو و الكون ضدك و تبدأ تفرغ فيه غضبك

———————-

اللي واضحلي ان آيه كانت نفسها جوزها يكون شخص أفضل لآخر لحظة و ده لما بعتتله صورة الباسبور فهددها 

أصل ليه حد عايز يهرب هيقول لخصمه انه لقى الباسبور ؟ 

١- يا عايزه تشوف منه وش مختلف فيه اي نوع من المشاعر الطيبة … و ده توقع ساذج جداً و لكنه يحسب لها 

٢- يا بتستفزه و هي على باب الطيارة مثلاً عشان ترد له الشر بالشر بعد ما نجدت نفسها 

————————

فاللي حصل انها اتحدته بشكل واعي فهو رد بكل ميكانيزمات الدفاع بتاعته و الشخصية الظل اللي كابتها طلعت بشراسة

اللي ظاهر دفاع عن حقوق المرأة …. المكبوت انه بيأذي المرأة 

اللي ظاهر انسان متدين ….. المكبوت حد مش مؤمن بالعبودية من أساسها 

اللي ظاهر انسان متزن ….. المكبوت انسان تقلباته المزاجية شرسة 

اللي ظاهر انسان خير … المكبوت شرير جداً جداً 

الخ