بييجي شباب يحكولي عايزين يسيبوا البنات اللي معاهم … فالبنات بتتعلق أكتر و تهديد بالانتحار و اهتمام غير طبيعي و هدايا و جوابات و حوارات و حكايات و ابتزاز عاطفي و كلام كبير كده 

طريقك للخلاص من الإكس المجنونة 

١- انك تكون انسان ديسنت بمعنى تفهم ان الشخص اللي قدامك يستاهل كلام من القلب و فيه وصف لإحساسك الحقيقي … لكن تحطه قدام الأمر الواقع و تقوله انا هأمشي دي صعبة على بنات خصوصاً لو صغيرة … حتى لو هما زفت و حتى لو هما مش ماتريال جواز و حتى لو فيهم العبر … 

٢- تقعد معاها تأكد على مشاعرك الحلوة اللي حسيتها معاها و توصف احساسك الحالي و تأكد انك مجروح و حزين جداً انكوا هتسيبوا بعض و ياسلاااام لو أكدتلها ده بكام بوست ع الأكونت بتاعك … الإيجو بتاعها هيآخدها بعيد عنك خالص مش بعيد ترتبط بحد تاني عشان تغيظك " دي مميزات انها صغيرة " فهتدخل عليها و انت هترتاح من الابتزاز العاطفي و هتآخد مساحتك العادية خالص. 

٣- وضع الحدود … اللي هو بجد لما هي وحشة أوي كده ازاي دخلت ووصلت للنقطة دي في حياتك و انت مبتحبهاش اساساً ! و كل اللي بتحبه هو اللي بتآخده منها مش أكتر ! 

مهم تعرف ايه الاحتياجات اللي اتلعب عليها عندك " دور أكيد هتلاقي " عشان من هنا نسد نقط الفراغ و نقرب من ناس أفضل لينا.