معظم شكاوى الزوجات لحد بيعدد مبتتفهمش لأن بالنسباله هي داخلة و قابله بالوضع الكذا … فليه بقى ليها شروط في التعامل !
ما انتي عارفة اني متجوز يعني عندي مسؤوليات يعني عندي شغل يعني عندي عيال ليه فجأة بقى ليكي طلبات !
لا بقى ده انتي عايزة تسيطري و تخربيلي حياااااااتشي
انا لازم اوقفك ولازم أملك زمام أمور العلاقة دي و لازم افرض عليكي أوضاعي اللي انتي واخداني بيها … الخ الخ
مع ان الموضوع بسيط جداً يعني وواضح لكن انت بتفكيرك بالشكل ده كبرته و حطيته في مكان مش أحسن حاجة خالص و بدأت ندية ملهاش أول من آخر
———————
القصة ببساطة ان اللي قبلت تكون لك زوجة هي شايفة فيك رجولة و ذكاء و قوامة و عدل الخ الخ من الصفات اللي تخليك راجل ينفع تسند عليه
مينفعش ده يتغير بمجرد انها قبلت بيك !
= بس هي قبلت بيا بوضعي ده
- ايه المشكلة !
= يعني مفروض تقدر
- تقدر ايه و تقدره ليه ؟
= تقدر وضعي و ظروفي
- اذا كنت انت شوفت انك تقدر لوجودها و مقدرتش وضعك و ظروفك، مستنيها هي تعمل ده بتاع ايه ؟ …. لو متقدرش متفكرش و متحاولش ببساطة
= يعني أعمل ايه يعني عشان أرضيها ؟
- تكون لها الراجل اللي وعدتها بيه و اتصرفت معاها على أساسه
= لا بس ده بالنسبالي كان مجرد مرحلة لحد ما أجيب رجليها
- أي ست بتحترم نفسها مش هتقبل حد يجيب رجليها في حتة متعجبهاش، كمان هي لو قبلت بأوضاع مش ظريفة هيبدأ إحترامك ليها يقل بالتدريج ظناً منك انها قليلة القيمة، أي ست بتحترم نفسها هتحترم اختيارها و كونك عملت فيها كينج و انت مجرد وزير و في ملكة مدوراك هتقول ببساطة أنا أولى ما أدورك انا بدالها !
شوفت بعد ما اتخليت عن مكانك بقى في كذا ست بتنافس على مين فيهم اللي هيديرك !
انت هتشوف الموقف بعين الضحية ان دي كلها ستات أنانية محدش قلبه عليا و كله عايز يآخد ميديش
مع ان لو رجعت كينج كلهم هيعاملوك بإحترامك العادي خالص و اللي اختاروك على أساسه
= هي لو اديتلي برستيچي هكونلها كينج
- محدش هيديك برستيچك الا و هو قادر يآخده منك ببساطة، فانت من الأول و انت بتجيب رجلها على حد قولك مكنتش جايب المدام و عيالك و رايحين تجيبوا رجلها سوا … كنت رايح لها بطولك و موريها عزم ما فيك
دي الروح اللي ينفع بيها تدور كذا بيت ببساطة
أصل تخيل صاحبك له مراته راكباه ؟ عمرك هتحترمه ؟ هتقدر تقعد معاه تاخد ڤاليو الرجولة ؟ هتقدر تعتمد عليه في حاجة و هو كل ما تحتاجه يقولك حجة شكل بسببها ؟ الخ الخ
مفيش أنثى هتسيب نفسها لراجل مش حر و صاحب قراره و أد مسؤولية القرار ده ببساطة ♥️
2
-2
