الجسم ده بيحتاج مجهود جبار حقيقي عشان يشتغل حلو 

تأكله 

تدفيه 

تظبط مزاجه و هرموناته 

تروق عليه بشوية أدرينالين راش 

تسرحله شعره 

تحطله كريمات و ماسكات 

تنضفه و تحميه 

تعمله مساچ و تفك عضلاته القفشة 

تلعبله رياضة 

تخليه يدوق حجات جديدة عليه او حجات بيحبها 

تعمله دايت 

تلبسله شيك

تعمله واكس و شيڤينج و أي حاجة غيرهم بتوجع

تروح بيه لأماكن خضراء لأجل تتلاقى مع روحك فيها

و فوق ده كله هو تاعبك تفكير و امراض و طلبات 

و فوق دول و دول انت عندك أجسام تانية مسؤول عنها او مسؤول تفهم أصحابها يعملوا فيها ايه 

في الوقت اللي روحك محتاجة تواصل، تعمق، صبر، أماكن طبيعية، تأمل 

و رغم بساطة طلبات الروح 

الا انك لو عملت كل اللي فوق ده و نسيت روحك عمرك ما هترتاح