انا بردو أوقات بحكم بالمظاهر ♥️

اللي عارفني كويس عارف اني مبحبش جروبات الماميز في أي مكان و زمان و بحس دايماً انهم بيهولوا الأمور 

لكن مؤخراً و انا بودي الأولاد التمرين لقيت نونات صغيرين كده ماشيين حافيين فضلت أدور على مامتهم لحد ما صاحبتها هي و الجروب بتاعها كله 

ليه بقى ؟ 

من الحركة دي فهمت انها مش أم مسيطرة و كمان فهمت انها ست طبيعية معندهاش انواع الهوس المختلفة من خوف من التلوث لخوف من الجروح و غيره 

و كان اختياري موفق و بالفعل كل الجروب كان فيه مميزات مشتركة 

زي مثلاً ان محدش بيصدر أحكام خالص ولا بيحاول يعلي ع التاني بالعكس كلنا بنسف على حياتنا 

و لما بنشوف عيل عنده مشكلة او حاله مقلوب كلنا بلا استثناء بنساعد بدون كلام مع مامته حتى  

و محدش بيفرض كلامه على عياله و دايماً في مساحة حرية للعيل يطلع ينزل يسيب التمرين خالص 

و جدير بالذكر ان الجروب كان فيه امهات عندهم عيال لحد ثانوي

و العظيم بقى 

ان التمرين ده تمرين كراتيه و الكراتيه فيه كاته و كموتيه 

الكاته دي اللي هي الأحزمة و الكموتيه دي ان الطفل يقابل خصم حقيقي و يحصل اشتباك 

بدماغنا دي كلنا كنا مهتمين بالكموتيه و ضروري بالنسبالنا الاشتباك عن الأحزمة 

انت فاهم يعني ايه تبقى أولوياتك تعلم عيالك يتخانقوا ازاي مش انهم يتفوقوا على زمايلهم و الجو ده ♥️ 

انا عمري ما كنت بآخد التمرينات جد ولا زلت 

بس الجروب ده مشجعني و دي حاجة لذيذة جداً 

#ayatheminimalist