يعني ايه الحب غير مشروط و العلاقة مشروطة
الأول خلينا نبدأ بتعريف الحب
الحب هو مجموعة متنوعة من المشاعر الإيجابيَّة والحالات العاطفية والعقلية قوية التأثير، تتراوح هذه المشاعر من أسمى الأخلاق الفاضلة إلى أبسط العادات اليوميَّة الجيدة
بعدين خلينا نعرف العلاقات
the way in which two or more people or things are connected, or the state of being connected.
التعامل بين شخصين او اكتر هو ده تعريف العلاقة ببساطة
———————-
حاجه بتدر عليك شعور حلو بتأثر في كل تفاصيلك …. هل انت متحكم فيها ؟
هل انت اللي خليتها تشعرك بالشعور الحلو ده وللا انت لما شعرت شعور حلو عرفت انك بتحبها ؟
طيب لو هي اللي خليتك تشعر بالشعور ده … ده معناه ان اي حاجه تاني قادر معاها تشعر نفس الشعور هتكون بديل كويس عادي
يعني انا بحب آية عشان بتعملي كذا
اذاً لو ندى عملتلي الكذا ده … انا بردو هحبها
و لو الاتنين بطلوا يعملوا الكذا ده
انا هجيب واحده تالته تعمله و احبها عادي يعني 
فطول ما في حد يعمل الشئ انا بحبه !
ده الحب المشروط …. مبني على نواقص هتلاقي ناس كتير عادي تقدر تسدها مش شرط فلان بعينه
طب لو انا انسان معنديش نواقص و مكفي نفسي مش مستني حاجه من حد ! محبش حد ابداً وللا ايه ؟
لأ سيادتك انت بتكون مؤهل تماماً لاعطاء الحب غير المشروط
اللي هو يا فلان انا بحبك لله في لله
كل اللي عايزه م الدنيا تكون مبسوط و مرتاح
———————
نيجي بقى للعلاقات
انا حبيت آيه و ندي …. و لكن بدون أسباب !
أيوه محدش فيهم عمل شئ يفيدني بشئ عشان أحبه فكبي ليهم غير مشروط
عايزهم مرتاحين و مبسوطين
جت آيه تتعامل معايا و قالت عايزه يبقى في بيننا علاقة ما ….
و لكن في حجات كتير تمنع ! هأتغاضى عنها عشان بحب آية حب غير مشروط
لكن مثلاً عشان يحصل علاقة بيننا لازم يبقى في تعامل !
هنتواصل ؟ …. آدي شرط
هنتعامل معاملة خير ؟ …. آدي شرط
هنصبر على الغلطات و الذلات و نتسامح ؟ …. آدي شرط
هنتعاهد منخونش و منكذبش و يبقى كل الكلام بينا صدق ؟ …. آدي شرط
الخ الخ الخ
طب و لو شرط منهم متنفذش ؟
انا بحب آيه حب غير مشروط لكن آسفة مقدرش أكمل لأن مثلاً
لو آيه مبتكلمنيش …. فين العلاقة ؟
لو آيه بتخونني و بتكذب عليا …. فين العلاقة ؟
حنان صلاح الدين محمد أبو العنين
د. ايمان احمد ابو المجد الدواخلي
مروة كرم محمد رشاد
كريمان محمد عبد السلام عفيفي
محمد عبد المنعم ابراهيم محمد
د. عبد الوهاب المتولي بدر
مني مفرح عبد السلام دبوس
د. راقية جلال محمد الدويك
نجلاء لطفي محمد السيد
شعبان عبد الوهاب كيلاني عبد الوهاب
د. نهله عبد الحكم احمد عبد الباقي 
زينب حمدي 
د. محمد عبد الوهاب المتولي بدر 
ياسر محمود سلمي 
د. شيماء أحمد عمارة 
د. نهى فؤاد محمد رشاد 
م. اشرف عبد الصبور الكرم 
1
-1
