انت حاسس بالذنب تجاه حدث ما ... فى غيرك بيعمله و هو فخور بيه و بيتباهى

دى مش دعوة انك تعمل الغلط بدم بارد ! 

بس افهم ان احساسك بالذنب مش هو المنجى ! 

فمهم جداً تتخلص منه 

اللى هينجيك هو انك تدرك الغلط و تحله بينك و بين نفسك و تتقبل انسانيتك و اللى من أهم خصائصها انك "تغلط" و تفهم ان 

"لنفسك عليك حق"

طب ايه هو حق نفسك عليك ؟ و ازاى هأتخلص من الاحساس بالذنب ؟ و ليه أعمل ده ؟ 

حق نفسك عليك انك تتخلص من كل حاجة متقلاها و تاعبه روحك 

ازاى هتتخلص من الاحساس ده 

١- حدد احساسك بالذنب و سميه 

٢- اعرف ايه المصدر بتاعه 

٣- اعتذر لنفسك عن فعله و قدملها تعويضات 

٤- اتعلم من الماضى 

٥- مارس الشكر 

٦- استبدل الكلام السلبى اللى بتقوله لنفسك بكلام عطوف و حنين 

٧- افتكر كويس ان ذنبك هيشتغل لصالحك لو عملت الصح 

٨- سامح نفسك 

٩- اتكلم مع ناس انت واثق فيها فى الموضوع 

١٠- اتكلم مع معالج نفسى 

١١- اسحب خط و اعرف ان اللى حصل ده من الماضى و انك ممكن جداً تستغله فى زيادة ثقتك فى نفسك فتعمل اختيارات أحسن فى المستقبل. 

----------

ليه تعمل كل ده ؟ 

عشان الاحساس بالذنب قادر يسحبك لتحت ... فبدل ما تستفيد من اللى حصل هتلاقى نفسك بتنزل 

محدش بيكبر غير لما يغلط و يتعلم .... 

احساسك بالذنب هيخليك تسعى ورا المثالية !! و اللى هتصعب عليك عملية النمو 

فاتخلص منه و إكبر.