عشر علامات كي تعرف انك تتعامل مع شخص سطحي

 

1- بيآخدوا بالهم من المظهر الجسدى بأفورة و بعتمدوا على ده فى تعاملاتهم مع البشر ... مش مهتمين بالمشاعر .. لأنهم مش مهتمين بشكل حقيقى يعرفوا الناس ...

 

2- ماديين جداً ... بيشتروا كل حاجة غالية و بيتمنوا الناس يشوفوهم على أساس ده ناس عندها قيم ! ... بيوت كبيرة .. عربيات Fancy  كأولوية أهم من خبراتهم فى علاقاتهم بالناس .. بيجروا ورا أى حاجة هتديهم احساس الفرحة المؤقتة و هما متأكدين انها مش هتكمل كتير ! 

 

3- معندهمش آراء ... توديهم يمين يروحوا .. تجيبهم شمال معاك عادى.

 

4- علاقاتهم أحادية ... بمعنى انت لو فى علاقة مع شخصية سطحية فهى مش شايفاك أساساً .. هما الأهم فبيختاروا شركائهم على أساس مين معاه أكتر. 

 

5- معندهمش عمق فكرى رغم ان بيكون عندهم معلومات كتير و متكلمين حلو أوى .. و كمان أذكياء .. لكن نادراً ما بيطبقوا معلوماتهم بطرق عملية فى حياتهم الحقيقية.

 

6- مبيقولوش اللى يقصدوه .. بمعنى ممكن جداً بيجاملوك .. لكن كلماتهم تحسها نوعاً ما سخرية أو غلط فيك أساساً 

 

7- مش هيعملوا أى حاجة غير لو هتنفعهم بشكل ما ... بمعنى عكس ما ممكن تكون متخيل انهم يشتركوا فى عمل خيرى عشان يساعدوا الناس ! هما بيعملوا ده عشان هيقابلوا مشاهير مثلاً و قيس على كده.

 

8- بيطلقوا أحكام فى المطلق لمجرد انك اختلفت معاهم بدون أدنى اعتبار لمشاعرك ... و غالباً لو رفضتهم بشكل ما بيكرهوك ! مبيتعاملوش مع الرفض بشكل صحى.

 

9- بيحبوا النميمة زى عنيهم عشان يحسوا انهم جامدين بس 

 

10- بيحبوا يكونوا تحت أضواء المسرح