البنات اللي بتطلع تعمل 

Skin care routine 

قدام الكاميرا و يحطوا خشروميت منتج على بشرتهم ورا بعض و بعدها يحطوا ٣ طبقات ميكب 

دول ناس فاهمين ان بشرتهم حيطة بتصنفرها عشان تليسها 

مش مسام و كائن حي و محتاج يتنفس و كده لأ 

مستنية بشرتك تستفيد ازاي ب ١٠ انواع مختلفة من المنتجات بتحطيهم ورا بعض ؟ 

و ايه دليلك انها شربتهم كلهم و اخدت فايدتهم ؟ 

و ايه هي فايدتهم اساساً و مدى فعالية المواد جواهم ! 

حتى وشك نفسه مبيبانش عليه أي فرق بين قبل و بعد غير احساس انه اتغسل مش أكتر 

و الأهبل من كده لما تحطي عليه بعدها ٣ طبقات ميكب ! 

ايه الصحي في الكلام ده و مين اقنعك ان الصرف ده صح وللا في مكانه المظبوط أساساً ! 

اللهم الا شوية المساج اللي بتعمليها لوشك و انتي بتفردي الطبقات هما دول اللي بيفرقوا و بيجروا الدم في وشك شوية

لا أكتر ولا أقل 

الباقى كله محاولات بائسة تريحي بيها ضميرك و تحسسيه انك بتعوضي بشرتك عن ال 

Abuse 

اللي بتعمليه فيها على مدار اليوم 

و لو سألتي دكتور جلدية هيقولك 

Less is more