كمنيماليست :
١- شخص واحد في المرة الواحدة و متمسكش ليستة و تستنى تعلم على النقط الموجودة فيه و الجو ده … اتعامل من منطلق ان هل ده شخص ينفع اعمل معاه قصة قابلة للتعديل و المراجعة كل شوية وللا انسان واقف و ممل و مش مرن و مش عارف اتعامل معاه.
٢- أفكارك تكون واضحة و ماشية في اتجاه واحد … لو لقيتها بتلف بيك في اتجاهات مش أحسن حاجة استعمل ميكانيزمات تلغوش ع الافكار المشوشة زي انك تكلم صاحبك تنزل تتمشي تكتب و غيره ….
لأ مفيش فايدة الأفكار علوضعها، كلم الشخص نفسه و اسأل أسئلة مباشرة توصلك لاجابات للي في دماغك …
٣- اتواصل بشكل واضح و نضيف … اقصد اللي بتقوله و قول اللي تقصده … و اتعودوا على ده من أول العلاقة … ميجيش حد فيكوا يقول حاجة و التاني يفهمها بشكل مختلف بدون دليل و نفضل نفكر في اللاشيء.
٤- خد وقت … أي علاقة عشان تنضج محتاجالها وقت علشان الشخصيات تتلاقى و يحصل انفتاح و تواصل ووقت تقضوه سوا …
مينفعش تحط ضغط على علاقة مخدتش وقتها عشان تمر بمراحل فتقوي و تكبر … و اتأكد انك عارف تقيم ده لأن في ناس بتفضل في علاقة سنين و مبيحصلش بينهم الهوا لا بيتخانقوا ولا بيعرفوا وقت الشدة يتعاملوا ازاي.
٥- حلوا مشاكلكوا و خلافاتكوا بأبسط الطرق … غالباً الخلاف بيكون عشان احد الطرفين حاسس باهمال من الطرف التاني فاتأكد انك تفهمه وجهة نظرك و اتأكد انك تلتزم بتطوير نفسك في المنطقة دي.
2
-2
