روقا

" انتوا ليه متبقوش زي روقا ؟ " 

—————- 

طيب 

هي روقا كانت روقا في العلن ؟ 

كانت روقا لكل الرجالة ؟ 

روقا في البيت و بس 

انت بقى عشان تلاقي واحدة زي روقا لازم تكون فاهم أنوثة 

و تفهم انها مش شكل ولا صوت و فل على كده ! 

——————

روقا ست طموحة لو مش واخد بالك …. دماغها توزن بلد و بتعرف توجه و تقولك تعمل ايه و متعملش ايه  

روقا ست مفكرة لو مش واخد بالك ….. كان أبو كمال ميفكرش بصوت عالي غير معاها  

روقا ست مزجانجية لو مش واخد بالك ……. بتشرب شيشة و بترصها حلو و تقوم ترقص 

روقا ست روحانية لو مش واخد بالك …… بتقرا الفنجان و بترقي  

روقا شبعانة …. عندها شغالة و في ايديها دهب و عندها فلوس في البنك لو مش واخد بالك

————- 

أبو كمال بقى راجل تقليدي من عيلة تقليدية فمش عارف يواجه بحلاوتها دي كلها المجتمع 

إنما يوم ما راحلها بإخواته … كان بيتكلم بصوت ذكوري لراجل واثق من نفسه و عنده ظهر

—————

أبو كمال بقى مقالش على روقة طماعة او واخداه لفلوسه و العبط ده …. لمجرد إنها طموحة

أبو كمال مقالهاش ع المطبخ … لمجرد ان دماغها شغالة و هو عايز واحدة يسوقها 

أبو كمال مقالش على روقا شمال ….. لمجرد انها صاحبة مزاج و بترص شيشة حلو و بترقص 

أبو كمال مقالش على روقا مهبوشة و سهل يتضحك عليها و ممحونة و مسهوكة …. لمجرد انها بتصدق في الأبعاد التانية مش بس البعد المادي 

أبو كمال استجدعها عشان عرضت مساعدته بالفلوس انما مخدهاش منها ولا جردها من كل اللي تملكه و بيعها اللي وراها و اللي قدامها لحسن تسيبه ! 

————-

فكانت له روقا 

في حين هو فضل راجل تقليدي لابس ماسك و عايش بوشين 

وش إجتماعي عشان الناس ترضى عنه 

ووش مستخبي يتاجر بيه في المخدرات و يندم بيه على حب عمره 

روقا حبته كمال التقليدي و المستخبي بس هي نعمة كبيرة ميستاهلهاش راجل تقليدي جبان عموماً

راحت للي أحن من الكل عليها