اصرار الستات انهم يطلعوا اللي بيتخانوا معاها جربوعة ما هو الا إيجو !
مش عشان خانك يبقى بيدور على أحسن منك حبيبتي،
ممكن اديته حب انتي محسيتهوش تجاهه
ممكن اهتمام ممكن صبر ممكن تقل ممكن ذكاء ممكن قوة ممكن شفاء ممكن سمع ممكن روقان و هدوء ممكن شدة ممكن شخصية ممكن ممكن ممكن ممكن …..
حجات عمرك ما هتقيسيها بالعين المجردة، ثم ان جواز لفترة طويلة هو منطقة راحة في حد ذاته اوقات بتبقى سديتي اختياج في منطقة معينة و هو سد احتياجك في مناطق بردو و شبعتوا و جالكوا تخمة و زهقتوا كمان م المناطق دي و محتاجين تدوروا على غيرها جوا نفسكوا فتطوروا منها او عند اطراف تانية فتحصل خيانات كده
فالخيانة اصلاً قرار اير واعي اطلاقاً بتحاولي تمنطقيه ليه ؟ بتحاولي تعملي مقارنة و انتي معندكيش معلومات كافية أساساً و بتبصي بنظرة سطحية جداً عشان تحكمي على علاقة من برة !
لو انك تطلعي الطرف اللي بتتخاني معاه وحش ده هيريحك نفسياً يبقى عندك مشاكل، الوحش هو اللي خانك لأنه م الأول كان داخل بيسد احتياج مش بيحبك حب غير مشروط …
2
-2
