قواعد تفهمها و انت بتتعامل مع انطوائى :
١- مبفهمش القعدة اللى كلها كلام ع الناس و مبعرفش أقعد فيها أصلاً
٢- مبزعلش لما تغيب فترة طويلة بعدها تكلمنى و هتلاقى المشاعر فى قلبى هى هى
٣- مبفهمش القاعدة اللى كلها تحليل فى أفعال و كلمات الأشخاص من حوالينا و لو محتاجة أفهمهم هأديهم اختبار ال
16 personalities
و أفهم لوحدى بيتصرفوا على أساس ايه و خلاص !
٤- الخروجة لو مش مع حد بحبه ... تبقى لوحدى أحسن
٥- مبعرفش أخلط بين حياتى فى البيت و حياتى مع صحابى
٦- أحسن بيئة عمل أشتغل فيها أنا و كمبيوتر عليه يوتيوب و حبذا لو مشوفتش ناس
٧- ممكن أعمل أى حاجة فى الدنيا الا انى أقول لحد خبر وحش فى وشه
٨- مبتكلمش فى التليفون لفترات طويلة
٩- المكالمة لو مبيتقالش فيها كلام مفيد يبقى نسكت أفضل
١٠- الخروجة لو مش مع حد بحبه ... تبقى لوحدى أحسن
١١- مبنساش أشخاص
١٢- علاقتى بالناس قليلة و عميقة
١٣- مفيش حاجة هتعملها هتأثر فيا لأن جوايا عالم أكبر من اللى برة ده بكتير
١٤- بنفتح كلام لو عايزين بس السكوت سلطان
١٥- النوم بردو سلطان
١٦- الخروجة لو مش مع حد بحبه .... تغور
١٧- سكوتنا مش علشان مفيش اللى يتقال ... لكن عشان اللى فى دماغنا أكتر بكتير من انه يتقال
١٨- العزومات و العزاء و الأفراح بالنسبالنا تندرج تحت بند واحد " تجمعات"
١٩- انك تخرجنا من العالم بتاعنا ده مش تحدى ... التحدى انك تستحمل وجودنا فيه و تحترم ده
٢٠- الخروجة لو مش مع حد بنحبه ... ملهاش لازمة صدقنى
٢١- بنتعامل مع ناس جديدة بدافع الفضول مش تكوين صداقات
٢٢- لو مغذيتش الفضول ده بعقلك و أفكارك و كلامك مش هتنضم لدايرة التعامل
٢٣- كل العلاقات سطحية لحد ما نحب
٢٤- نقعد سوا ساعتين ولا اننا نتكلم فى التليفون اسبوعين
٢٥- لو سيبت السيرش و قعدت أكلمك شات تبقى خدت فرصة حلوة فى حياتى
٢٦- ميلزمنيش أعرف أخبار الناس .. كفاية أعرف انهم بخير
٢٧- لو هنتكلم فى التليفون متكلمش الناس كلها معايا الا لو مضطر او نقفل أحسن.
٢٨- الخروجة لو مش مع حد بنحبه ... يبقى لوحدى سلطاان
٢٩- لو خرجت معاكى النهاردة متتوقعيش هنخرج سوا تانى بكره الا لو رايحين نخلص مصلحة مثلاً
٣٠- القاعدة مش لازم تتحشى كلام فارغ .. ممكن نسكت او نروح
٣١- مبتكلمش فى الطبيخ .. بأطبخه
و قيسى على كده أى اهتمامات ... مبنتكلمش عنها بننفذها و نطورها
٣٢- آه صحابى كتير و دايرة معارفى أكتر عادى بس القريبين منى عارفين هما مين
٣٣- الخروجة لو مش حد بنحبه ... قاعدة البيت ألطف
٣٤- انت سامع أصوات ناس كتير .. احنا بنتعذب
٣٥- مش هنشترك فى الكلام عن موضوع ميهمناش
٣٦- عندنا رأى فى كل حاجة بس انت مش دايماً هتكون عايز تسمعه
٣٧- التعامل مع شخص مشتت ميفرقش بالنسبالنا عن التجمعات
ده صداع و ده صداع
٣٨- التعامل مع شخص بوشين اجتماعية زيادة ... لما يبقى بوش واحد أفضل
٣٩- لو مش خارجين مع ناس تقيلة ... بلاها الخروجة دى
٤٠- لو سيبتنا فى مكان ٦ ساعات هترجع تلاقينا فى نفس المكان
٤١- ورانا دايماً حجات تتعمل ... بس مش مشغولين
٤٢- لو انت حد أنا بحبه و قاصدنى فى حاجة ... كل الدنيا تستنى و نتكلم
٤٣- مبنناقشش الناس .. لكن نناقش المشاعر و الأفكار
٤٤- لو مورتنيش نفسك مش هأشوفك لو فضلت قدامى سنين
٤٥- الخروجة مع حد بنحبه ... عظمة
٤٦- لو الصفقة اتكنسلت لوحدها بنفرح
٤٧- و لو الخروجة او السفرية مكملتش ... مصلحة
٤٨- لما تشوفنى بأتكلم مع انسان تانى متقاطعنيش فى نص الكلام
٤٩- لو كلامنا مش هيطور من العلاقة بيننا .. هأتفرج ع اليوتيوب أفيد
٥٠- لو نفسك تخسرنى ... ادخل كلمنى كل ثانيتين و انا فى ودنى هيد فون و بأسمع أغنيه
٥١- الخروجة مع حد بنحبه و بس
1
-1
