من كذا يوم جالي مكالمة تليفون غريبة جداً و حكيت لناس كتير عليها لأني فعلاً مستغرباها لحد دلوقتي و مش عارفه أوصل لتفسير الا ان الكون بيشتغل بطريقه مثيره للتفكير و التأمل و الدهشه عموماً
واحد بتصحيني م النوم الساعة ٧ الصبح رقم غريب
= أيوه مين ؟
- الرقم ده "كلمنا" الساعة ١ امبارح
= خليني اشوف تليفوني كده … لأ آخر مكالمه عملتها كانت قبل ١٢ و لحارس العماره
- " بصوت مخنوق " أصل ظاهر عندي ان في مكالمه ربع ساعه
= طب قوليلي انتي مين ؟
- لأ مش انا أصل ده كان على موبيل جوزي
= بصي انا حاسه بيكي فبحاول أساعدك، قوليلي إسمه جايز أكون عارفاه
- فلان الفلاني
= هو انا في شغلي بتعامل مع رجاله بس الاسم ده معداش عليا قبل كده
- انتي بتشتغلي ايه ؟
= بساعد الناس تتخلص من كراكيب بتاعتها سواء ماديه او مشاعر و علاقات و كده
- يعني انا ممكن استشيرك في حاجة تفيديني ؟
= هحاول
- انا في واحد عايز يتواصل معايا بصراحه هو حب حياتي فضلنا ٦ سنين في علاقه بعدين سابني و اتجوز و انا كمان اتجوزت … دلوقتي بيحاول يكلمني و انا مش عارفه اعمل ايه
= انتي شايفه ايه الصح ؟
- يعني متواصلش معاه أصله حب كبير
= انتي لما كلمتيني شوفتي كنتي مخنوقه ازاي ؟
هتبقي بتعملي كده في حد و كل الفرق انه مش عارف فيوم ما يعرف هيعرف بأثر رجعي …
- يعني مكلموش ؟ اعمل ايه في المشاعر دي ؟
= حبيبتي ربنا حط الحب ده في قلبك لسبب يعلمه هو، ادعيله كتير ادعي للشخص ده .. ده نوع من الحب بيوصله بدون ما مغلط في حق حد، لو ليكوا خير في بعض ربنا هيسبب الأسباب
لكن حالياً مينفعش تعمل أكتر من كده لأن أي خطوه هتعزز المشاعر بينكوا و مينفعش تطلبي منه يسيب مراته ولا هو يطلب منك تسيبي زوجك هتحرموا على بعض، ف ليه تآخدوا خطوة تأذوا بيها نفسكوا و طرفين تانيين ملهومش ذنب
و انا هنا بعني حتى لو جوزك وحش و انتي شاكه انه كان بيكلم حد فعلاً الساعة ١ فكل واحد فيكو مسؤول عن افعاله لوحده، متتخيليش انك كده بترديهاله او هو يستاهلها دي حقوق عباد انتي مش اد نتايجها.
- حاضر " بصوت بيترعش شاكه لي قدرتها على عمل اللي بقوله ده "
————————
خلصت المكالمه و اعتذرتلي ان جايز تكون هي خدت الرقم غلط عشان كانت بتاخده بسرعه
لحد دلوقتي مش مستوعبه المكالمه تبان صدفه بس احساسي ان ربنا باعتهالي ????
2
-2
