تقريبا فى ورقيات معينة كده كل ما بتروحى مشوار بتتفاجئى انهم عايزينها ... حلو جدا يكون عندنا نسخة من الورق ده ع الموبيل بحيث لو فى مجال المصلحة تخلص حالا يبقى خير البر عاجله !! 

 

متضيعيش لا وقت و لا فلوس و لا مواصلات و مشوار مخصوص تانى ... من الورق ده 

 

١- صورة شخصية بخلفية بيضاء ليكى و لكل فرد فى الأسرة

 

٢- شهادة ميلادك و شهادة ميلاد كل فرد فى الأسرة 

 

٣- صورة بطاقتك و صورة بطاقة أىفرد فى الأسرة 

 

٤- الرقم التأمينى بتاعك و بتاع أى حد فى الأسرة 

 

٥- السى فى بتاعك و بتاع أى فرد فى الأسرة 

 

٦- قسيمة الجواز / طلاق 

 

٧- صورة الباسبور بتاعك و بتاع أى فرد فى الأسرة 

 

٨- فواتير مهمة هتستخدميها كمرجع أو هتحصلى فلوسها بشكل ما 

 

و أى ورق رسمى تانى ممكن حد يحتاجه منك فى مصلحة حكومية /نادى / شغل / و غيره 

 

بتعمليلهم 

Scan 

و يفضلوا عندك فى ملف ع الموبيل او على جوجل أو على ال 

I cloud 

 

ببرنامج اسمه كاميرا سكانر أو أى برنامج زيه 

 

الموضوع ده هتعرفى أهميته لما تحتاجى الورق فى أوقات مفاجأة ... بيكون معاكى معظم الطلبات و بتقف على ورق بسيط ممكن تخلصيه من نفس المكان اللى انتى موجودة فيه ... بدون كراكيب فى شنطتك و بدون شغل مساحات أو الورق يتقطع من كتر ما بتنقليه من مكان لمكان ....

 

#Digitize 

#Minimize