يعني ايه تطلبوا من واحدة تتنازل عن ميراثها بحكم حبها لجوزها و ان ده دليل للاخلاص و العشرة الطيبة ! 

ايه الابتزاز العاطفي و الابتزاز المالي الصريح ده معلش ؟!

المشكلة الدايرة حوالين بوسي شلبي و ورثة محمود عبد العزيز أكبر من كونها قضية مال! ، ده خوض في أعراض و اظهار لإن الراجل ده مستغل و مؤذى لدرجة انه يسيب واحدة على ذمته سنين طويلة و هي متعرفش انها طليقته قانوناً ! 

فانت بكده عملت حاجتين 

١- شوهت سمعته و شككت في أخلاقه و عدله 

٢- عايز توزع الميراث على مزاجك مش بالشرع 

مفيش حاجة اسمها كتبت ثروتي بإسم عيالي و فلانة ملهاش فيها 

فقه المواريث اتعمل لسبب و طريقة توزيع الميراث نفسه اتعمل لأسباب كتير مش سبب واحد، فبلاش ادعاء للمثالية لدرجة تعلى ع اللي خلقك و انت بتدعي الفضيلة بإسم الحب و اتنازلي يا بوسي و الكلام الفارغ ده !

لا بوسي متتنازلش و متترددش في اثبات زواجها بكافة الطرق، عشان كرامتها و كرامة زوجها حتى لو هو غلط بكامل ارادته .. ده أولاً، و لأن تحقيق العدل ده لصالحه قبل ما يكون عشان فلوسها ده ثانياً 

ببساطة.