نموذج بسمة بوسيل

تعالى اقولك ليه نموذج بسمة بوسيل مرعب لكل الرجالة و الستات التقليديات ؟ 

ببساطة لأنه بيفشخ المعتقد بإن الجواز انجاز !!!! 

الجواز علاقة مش انجاز 

علاقة قايمة على ميثاق غليظ بيحافظ على انوثة و نفسية المرأة قبل الرجل 

فأول ما تلاقي أنوثتك و نفسيتك بتتدمر و انتي في حضرة اللي بينك و بينه الميثاق لازم تجري و تهربي ! 

و طظ في أي معتقد و اي حد يقنعك ان الطلاق غلط 

كل السلف كان بيحصل بينهم الطلاق عادي جداً و اسهل ما يمكن انك تمسكي ع الراجل غلطات شرعية تحلل طلبك للطلاق عشان سامعاك ياللي هتقوللي ايما امرأة طلبت الطلاق بدون سبب … الى آخره 

————

فآه يا حبيبتي اتلككي و اهربي و حافظي على نفسك 

اهلك اللي ربوكي و حبوكي مينفعش يشوفوكي تعيسة في حضرة راجل مفروض انه جاي يسعدك مش يغمك و يقرفك و يكئبك ! 

جاي يشيلك و يشيل عنك مش يحط عليكي ! 

 جاي يعلي من شأنك و يعاملك برنسيسة مش شغالة بلقمتك !