صفات الست الكواليتى .. ورقة و قلم و اكتب معايا يا سيد الرجالة :

١- بتشجعك تحقق أهدافك وواثقة فيك انك تعرف تآخد القرارات اللى تخصك لوحدك.

٢- مبتحاولش تخليك تغير عشان هى عارفة قيمتها كويس و عارفة انك عارف تشوف قيمتها دى كويس فمش هتخاول تلفت نظرك حتى.

٣- معندهاش عقدة برنسيسات ديزنى .. هى متوقعة انك هتعاملها باحترام و ده لأنك بتحبها مش عشان أى عنوان جمب اسمها او أى مسمى فى المجمل.

٤- عندها جزء فى حياتها مفيهوش انت سواء هواية او صحاب او شغل او أياً كان.

٥- مش هترفض تيجى معاك فى أى حفلة انت معزوم عليها او هتقابل زمايلك فى الشغل و غيره .. مش هتفكر مرتين قبل ما تقبل.

٦- بتآخد بالها من نفسها و ده مش معناه انها كاملة و لكنها على وعى و ادراك و بتشتغل على نفسها و مش محتجاك تقولها تعمل حاجة معينة.

٧- لو اتحطت فى موقف انها متعرفش حد .. هتعرفهم على نفسها بنفسها ... مش هتستخبى وراك و تستناك تتعامل.

٨- لو حد بص على بروفايلاتها ... هيشغلها.

٩- مبتتكسفش تتكلم معاك عن العلاقة الخاصة و تقولك هى عايزة ايه بالظبط ! مش بتتأفف و خلاص

١٠- عندها آراء أكتر من كلمة " معرفش " 

١١- مش هتسمعها بتتكلم عن الرجالة انهم عيال او أغبيا مع أهلها او مع صحابها

١٢- عارفة هى عايزة ايه من حياتها و مش هتغير القيم بتاعتها عشان راجل أياً كان مين هو. 

١٣- هتحس انك محظوظ انك معاها عشان انت متأكد انها مش مع حد لمجرد انها تكون مع أى حد و خلاص ... هتحس ان تم اختيارك من وسط كتير 

----------

ملهاش علاقة بقى بطبيخها و تدبيرها المنزلى و قعدتها بالعيال ولا بنسب و أرقام الزوايا الكيرڤى فى جسمها و محاسن وشها و ثرواتها المادية