خلاص خلاص هتكلم بجد
مشكلة الجواز الوحيدة في وجهة نظري في إحساس الملكية
انا بشوف ان أصلاً مفيش حاجة في الدنيا دي ملك
حتى عيالنا عشان اعاملهم كويس اتعاملت انهم نعمة من ربنا و بتوع ربنا مش بتوعي
و هكذا
فكل ما قل إحساسك بالملكية كل ما إتعاملت مع الناس حلو
و كل ما قل تعلقك بأي حد و أي حاجة كل ما ملكتها، لكن ملكية الحب غير المشروط، مش ملكية الإيجو
فالإحساس المزيف بالملكية ده بشوفه أساس خراب الجواز في العموم سواء اللي اتعامل على أساسه ست أو راجل
تبدأ من نقطة الملكية دي
١- تركن حد مثلاً كأنه كنبة هترجع تلاقيه مكانه
٢- او تغلط في حقه على اساس هيروح مني فين يعني
٣- او تهمل معاه على أساس انه ربطته
٤- او تيجي عليه على أساس انك ضامنه
الخ الخ
لو شيلنا شعور الملكية ده من العلاقات العاطفية هنبقى حلوين جداً حقيقي و هنتعامل مع بعض بالأصول
مساء الجمال