بص حبيبي 

انت وعيت ع الدنيا لقيت أم و اب و إخوات 

علاقات مفيهاش طلاق فبتكون متعود ع الترابط ده و بيكون قاعدة آمنة لتكوين شخصيتك

و لو حصل أي نوع من الانفصالات و انت صغير 

أب سافر 

أم ماتت 

حد طلق 

الخ

بتكبر جواك مشاعر خوف من الهجر و التخلي و الوحدة 

الخوف ده زيه زي مخاوف تانية 

الخوف من الذهاب إلى المدرسة. 

الخوف من الأصوات المزعجة والعالية. 

الخوف من الأشخاص الغريبة عن الطفل والتي لا يعتاد الطفل على رؤيتهم بإستمرار. 

الخوف من الأشياء الخيالية

—————

انت كده بنيت شخصية و لكن الشخصية دي فيها المخاوف دي 

المخاوف دي كلها تم مواجهتها في عملية النمو 

أكيد مبقتش بتخاف من خيالات ولا من مرواح مدرسة ولا من أصوات مزعجة ولا من ناس غريبة 

لكن خوف زي الهجر و التخلي ده أعمق  

 فبيظهر و انت بتكون علاقات عميقة على هيئة أمراض نفسية 

——————

العلاقات سواء عمل أو صداقة أو غيره  

أمان عادي 

أصل يوم يعني ما صديق يتخلى عنك وللا يهجرك هتحزن شوية و هتلاقي غيره

لكن العلاقات العاطفية و اللي فتحت فيها قلبك و عرضت نفسك و كنت بمنتهى الوهن العاطفي 

دي بقى اللي بيظهر فيها الخوف من التخلي و الهجر

عشان كده مبتطيقش سيرة الطلاق 

و كنت تتمنى لو ان الجواز يكون علاقة مضمونة زي علاقتك بمامتك 

مفيهاش مسؤولية ولا محتاجة لنضج.