كل مظاهر الجواز التقليدي تقرف حقيقي و مش شايفة فيها صنف حاجة بتخطف قلبي ! 

لا الفساتين المفرودة ١٠ متر و بيقعد فوقها العريس شكله عبيط !

ولا العربية الكابروليه اللي بيقعدوا على ضهرها دي ! 

ولا الطرحة ال٧ متر ليقولوا عليها مش عروسة ! 

ولا الدهب بتاع الشبكة ده عمري نقيته حلو دايماً بيبقى شكله يقرف ! 

ولا الدبلة المملة اللي بتدوب الجلد تحتها من كتر ما هي مبتتقلعش و مفيهاش اي ستايل ! 

ولا القاعة ام ١١ شعلة و تنورة ! 

ولا القاعة ام شاشة بتتفتح و يطلع منها العرسان كما السحر ! 

ولا المايك اللي فاضح نص جوازات مصر ع الانترنت ! 

ولا الصور الجماعية اللي ظاهر فيها وشوش الناس عبارة عن نقط ! 

ولا صحاب العريس اللي جالهم هيستيريا عشان اشتغلت اغنية لرضا البحراوي ! 

ولا صحاب العروسة اللي هروا الدنيا تصوير و سيلفي و ناسيين العروسة ! 

ولا المعازيم اللي جايين يقيموا مش يباركوا ! 

ولا زفة العفش ولا زفة الدخلة ولا زفة الانجليزي في العشة حتى ! 

—————

 بحب الزغاريط و بحب الأكل و بحب عم عبد الباسط حمودة 

بسكده