صلوا بينا ع النبي هكسب فيكوا ثواب و أفرقلكوا بين الفيتش و بين الانحرافات الجنسية 

الفيتش هو ان في (حجات/اعضاء/تصرفات) معينة بتثير جواك رغبة جنسية 

١- حجات زي الخامات و بعض قطع اللبس و غيره 

زي ما بتلبسي لانجيري لجوزك ! أكيد لأن القطعة دي بتثيره جنسياً يعني مفيش حوار آهو ! 

٢- أعضاء زي ان جوزك يقولك بحب إيدك 

هل هو كده مجنون ؟ ما أكيد إختياره ليكي كان على أساس ان فيكي حجات بتثيره جنسياً مش عند ستات تانيين !

٣- تصرفات زي ان حد يكون بيتكلم عن حاجة بيحبها بمنتهى الباشون فتحسي انك عايزة تقومي تنطي تحضنيه من جماله و لمعة عنيه 

———————-

الانحراف الجنسي BDSM 

و هو انكوا تمثلوا أدوار في العلاقة 

 هعمل نفسي ممرضة و انت تعمل دكتور

وللا هعمل مدرسة و انت التلميذ، و هكذا بناء على نوع الانحراف و مداه بتختاروا أدوات و تمارسوا ! 

و دي اللي بيتباعلها costume في محلات اللانجيري و بتفرحوا بيها و انتوا بتجهزوا و تشتروها و بتفتكروها روشنة 

لا سيادتك الحجات دي بتتباع لأن الناس عارفة ان دماغك مش سوية و عندك فانتازيا عايز تحققها في علاقتك الزوجية 

فبدل ما تتعالج تروح تطور من أدواتك و لبسك للدرجة اللي بقى فيها حجات بتأذي و بتترك أثر قابل للقياس

———————

ده ببساطة الفرق بين الفيتش و الانحراف

الحجات دي بتتشخص مرض لما تبدأ تأثر على روتين حياتك فتلاقي نفسك مش عارف تآكل و تشرب و تنام و تشتغل و تتعامل مع الناس بطريقة طبيعية

لكن طول ما انت انسان طبيعي و صحتك بخير و مفيش حاجة مأثرة على آدائك أو على الناس من حواليك، مفيش حاجة تعد بمثابة مرض الحمدلله، هي مجرد اضطرابات و سهل يتعملها تعديل سلوك.  

صباح الجمال