ليه مش من مصلحتك انه يطلق التانية ؟
لأنه بالفعل إختارها خلاص و ده دلالته انه محبكيش الحب الحقيقي اللي يخليه لا شايف قبلك ولا بعدك
فمهما طلق من ستات عشانك مش هيسد الفجوة اللي حصلت جواكي ما بين المشاعر اللي بتحمليها له و المشاعر اللي طلع هو بيحملها ليكي
فطلبك لإنه يطلق غيرك ما هو إلا نزعة إيجو فارغة مش هتفيد علاقتكوا في شئ و سرعان ما هترجعوا لنقطة الملل دي تاني بس وقتها انتي مش هتكوني عارفة مفروض تعملي ايه
لأنك م الأول لما ربطتي قيمتك بوجوده قليتي من نفسك و لما نافستي غيرك قللتي من نفسك أكتر
= أمال مفروض أعمل ايه في الموقف ده يا آيه ؟
- تعملي العادي بتاعك و اللي شايفة انك تستحقيه في حياتك
إنما هو متعمليلوش أي حاجة
= يعني أعرف انه إتجوز غيري و ميفرقليش ؟!!
- عارفة لما بيتقدملي حد عايز يخلف بقوله لو محسيتش اني قادرة أخلف هقولك تنجوز تاني
الإنسان اللي قدامك حر تماماً في إختياراته زي ما انتي حرة في ترتيب حياتك و أولوياتك
الروح دي بتحافظ على كل حد فيكوا و بتخلي نفسكوا هادي
إنما العاشق و المعشوق مشاكلها كتير
لذلك معظم الناس الحبيبة بتفضل انها متتعمقش في علاقاتها العاطفية عشان عارفة ان بعد العمق العلاقة هتخرب من شدة الغيرة و شدة الرغبة و محاولات السيطرة من كل طرف ع التاني …. الخ
حافظي ع المسافات و احترمي رغبة الإنسان اللي قدامك في مساحة حرة زيادة … آه هتتألمي سيكا و انتي بتواجهي نفسك بمكانتك الحقيقية جواه لكن إحترامك لنفسك بيزيد و تقديرك و حبك ليها بيبان على وشك و على كل حاجة فيكي
في المجمل انتي أكيد مش عايزة تفضلي حوالين حد مبيحبكيش أكتر ما إنتي بتحبيه فترة طويلة.
2
-2
