الفلوس بتطير من ايدك و مبتعرفش تحوش أبداً ؟
بص للدايرة اللي حواليك
هتلاقيهم ناس بيتسابقوا على الصرف مين بيصرف أكتر
و ده مع اختلاف الاهتمامات
يعني في واحدة تصرف كتير أوي على اللبس و من كتر ما بتحكي و تتحاكى على جمال القطع تحس انك انت كمان مفروض تشتري زيها
وواحدة تصرف كتير اوي على المطبخ و بنفس تفكيرها تحسي لازم تعملي زيها عشان هي أروبه و بتاع
واحد بيصرف فلوس كتير على اكسسوارات العربيات
واحد بيصرف كتير على أدوات المكتب حتى لو مبيستخدمهاش بس ألوانها بتستهويه و كده
فانت تخلص قعدتك دي و تروح تشتري طقم جديد عشان تراضي نفسك بعد احساسك الشديد بالاهمال
و بعدها تعدي على هايبر تشتري اكسسوار للمطبخ على شوية مواد غذائية
و بعدها تفتح مواقع اونلاين عشان تدلع عربيتك نتيجة احساسك الشديد بانك كنت انسان مهمل !
و بعدها تشتري شوية حجات تحطها على مكتبك عشان تحس انك مجتهد و شاطر و محدش أشطر منك و كده
كل ده نتيجة قعدة واحدة
و الحقيقة انك لا مهمل ولا خايب ولا عندك أي نوع من أنواع المشاكل
و شراء المنتجات دي مش دليل على أي صفة من صفاتك الشخصية
طالما بتعمل الأساسيات !
متزودش كراكيب.
2
-2
