ليه الأذكياء طيبين ؟
لأنهم بيحسبوا عواقب أفعالهم
و لأنهم بيحسبوها بناء على خبرات سابقة
و الخبرات كلها أثبتت ان الشرير كارمته وحشة
و لأن الذكي مبيعندش في الغلط فمعندوش استعداد يتعرض للعواقب الالهية اللي مفيهاش استثناءات ولا محسوبيات ولا هروب ولا تراجع
أصل هتتراجع في غلطك مع ربنا فهو تواب غفور رحيم
انما هتتراجع عن غلطك مع عباده فهما مش دايماً فيهم الصفات دي بل بالعكس من حقهم كمان يقتصوا !
فبيكون السؤال من الأول انا هقدر أتحمل لو اتعمل فيا اللي هعمله فيهم ده ؟
و لأن الذكي معندوش استعداد حد يأذيه و لأنه مش بيبني على أساس اللي ظاهرله بشكل مادي بس ولا على أساس الوقت الحالي و بس
و دايماً عنده بعد نظر
ان الطفل ده مسيره يكبر
و الضعيف ده مسيره يقوى
و الفقير ده وارد جداً ربنا يغنيه
و هكذا
فبيقصر الشر
ببساطة
بينما الغبي يحب يجرب بنفسه و يكرر التجربة بتاع ١٠ آلاف مرة و يتمادى في الغلط
عشان لما ييجي وقت القصاص و اللي كده كده بييجي
يتقسم نصين
2
-2
