مهما كانت وجهتك السياحية لازم تفهم ان اللي بيميز بلد عن بلد هو موقعها الجغرافي اللي شكل طبيعتها و حضاراتها القديمة و خلاها مطمع للمستعمرين على مدار السنين

من الحجات اللي بحبها جداً في تاريخ مصر مثلاً هو موقع قلعة محمد علي و ليه اختارها صلاح الدين تبقى ورا جبل المقطم بالذات ؟ 

زمان دخول البلدان كان بري أو بحري مكانش في جوي، وجود القلعة ورا جبل المقطم بمثابة حماية لأن صعب يتخطاه الجيوش بشكل بري و على ما يوصلوا تكون القلعة شدت الحصون بتاعتها و جهزت نفسها لمواجهة العدو

يعني التكوين الطبيعي له أشد التأثير على تكوين كل حضارة قامت على مر الزمان 

طب اسأل نفسك ليه لبنان بلد مفيهاش غير ٥ مليون نسمة و مساحتها صغيرة جداً كمان مفيش لا جيش ولا دفاع جوي صعب احتلالها لحد دلوقتي ! 

ببساطة لأن طبيعتها عاصية جداً جداً لدرجة انك تستغرب ازاي الناس هناك دي حياتهم اليومية من الأساس ! و انت نازل سوبر ماركت تجيب شوية طلبات عادي حاسس انك بتعمل مغامرة و ممكن تمشي بالخيمة و تعمل camping 😅

——————-

كنت زمان بستغرب ليه المشاهير يسيبوا أوروبا و يروحوا لبنان يقضوا أجازاتهم هناك ! 

بس فهمت ♥️