لا أحب الزواج!!!

يعني ايه مبتحبيش الجواز و إتجوزتي ؟ و ازاي راجل يقبل يتجوزك و هو عارف انك مبتحبيش الجواز ؟ 

و ليه عروض الجواز بتجيلك انتي بالذات كتير بالرغم من انك مبتحبيش الجواز ؟

——————-

انك تكوني مؤهلة لشئ مش معناه انك بتحبي الشئ ده ببساطة 😅

زي ما سمعتك تكون حلوة أوي في شغلانة معينة هتلاقي طبيعي الريكويستات و ال 

Job offers 

كتير جداً 

و لأن في التخلي التجلي، فأنا كل ما أرفض كل ما الرجالة بتتأكد اني أهل للبوزيشن ده ببساطة

طب ايه اللي بيعرف الناس انك مؤهلة من الأساس ؟ 

لأن عندك كل الكواليتي اللي تأكد انك 

Wife material   

ايه هي الكواليتي دي بقى ؟ 

١- بقبل الناس كما هي 

٢- بعرف اتواصل حلو مع اي حد في الكميونيتي بتاعك 

٣- على طول في ضهرك 

٤- مستقلة و حطي تحتها ١٠ الاف خط 

٥- بقدر أتحداك تكون أحسن نسخة من نفسك 

٦- انا نصك التاني 

٧- عارفة امتى آخد خطوتين لورا 

٨- مستمعة جيدة و متواصلة جيدة 

٩- مهتمة بتفاصيلك و باهتماماتك 

١٠- بسيبك تآخد قراراتك بنفسك 

١١- واثقة و متعاطفة 

١٢- بعرف أستمتع بالقعدة سوا 

١٣- للأسف مخلصة 😂

١٤- بتقبل عبطك و هبدك و غلطاتك 

١٥- عندنا ڤاليو مشتركة

١٦- بدي فرص 

 ——————————-

فمجرد ان حد عارف انه هيكون أحسن نسخة من نفسه و هو معايا و انه عارف اني متقبلاه بكل تفاصيله دي حاجة أي راجل 

High value 

هيستثمر فيها بشكل تلقائي