انت كشخص تقليدي هتفضل تبص ع الحب و العلاقات من شباك ضيق جداً الا و هو اتقدملي و ارتحتله فاتجوزنا و مكملين 

بينما الحياة دي فيها من قصص الحب و تفاصيل العلاقات العاطفية اللي يخليك تحكي عنها عمرك كله و ميكفيش، و ده ببساطة لأن النفس البشرية تفاصيلها كتير و كلها احلى من بعضها 

فبلاش من الشباك الضيق ده تعتبر ان كل ما هو مختلف عن وجهة نظرك غير سوي، و ده لأنك لو طلعت بره القمقم هتتكسف 

هتتكسف لما تعرف ان القصص القصيرة اعمق و اشيك و ارقى من قصص كتير طويلة جداً 

و هتتكسف لما تعرف ان المشاعر ليها اشكال عديدة لدرجة انك عادي تعيش عمرين على عمرك و متكونش اخدت من الحياة قصص كفاية تعيش فيها مشاعر زيادة 

هيبقى اتفه حاجة بالنسبالك الفراق و اتعودت عليه اصلاً، و ده لأنك مبتقبلش غير بحجات حقيقية 

هتفهم ان اعظم قرارات في حياتك العاطفية اخدتها في لحظة جنون مش لحظة تركيز و عقل و حكمة خالص 

فهتقدَّر ان انت مش لوحدك في الدنيا دي و النموذج بتاعك خبرته في العلاقات يا دوب على الأد