" سبب وجود الزوجة التانية ان الأولى عديمة الكرامة " 

جملة ملهاش أي اساس م الصحة و فيها حكم سئ للغاية !! 

يعني احنا خلينا قرار الراجل بالزواج التاني مشكلة الست اللي معاه 

و دي حاجة بنعملها كمجتمع كتييييييير جداً جداً 

نحب أوي نشيل الستات أحمال أي حاجة و نحسسهم بالذنب تجاه أي حاجة و السلام ! 

و ده غلط كبير جداً 

يعني لو الراجل عينه زايغة فقال يعف نغسه بتانية و تالتة ! كل ده معناه ان الأولى عديمة الكرامة !! 

هي كرامتها ايه علاقتها بأخلاق جوزها و طباعه و احتياجاته ! 

طيب فين وجه اثبات الكرامة في الوضع ده عشان محدش يحكم عليها الحكم ده

هتقول تطلق طبعاً !! 

شوفت بقى ان افكارنا اوقات كتير بتبقى هي اللي خرابة البيوت مش الزوجة التانية