هو ليه الحرق ده لما ممكن نفضل ندور على السعادة و ننكش حواليها بمنكاش ؟ 

لأن السعادة و الكمال لو محسيتهوش من جواكي و لو اللي جواكي فاضي مفيش حاجة على وجه الخليقة هتحسسهولك 

هتدوري عليه في اشياء، علاقات، شغل، مكانة اجتماعية …. الخ الخ الخ 

مفيش حاجة هتفرقلك لو انتي مفرقتيش مع نفسك 

طيب ليه اظهر بمظهر الحزين الموجوع لما ممكن طول الوقت اكون منتصر ؟ 

لأن ده دلالة تقبلك للألم بنفس قدر تقبلك للفرح … و لأن في الاتنين فايدة  

اتعود دايماً تختار المفيد عن الممتع 

عيش الألم عشان تعرف تتجاوز لكن طول ما انت بتهرب منه هيتجسد في مواقف و في ناس و في ذكريات و في حجات كتير و يفضل يطاردك عمرك كله ….. 

خليه يمر من خلالك …. مش يمر فوقك و يدوس لحد ما تبقى مسخ ملكش معالم ولا حد فاهم مالك.

#ayatheminimalist