كليوباترا سودة و للا بيضا ؟
اللي أعرفه ان المال السايب بيعلم السرقة
و احنا لامؤاخذة الحضارة عندنا سايبة
بقينا بنفتخر بكل ما هو أجنبي و بنحك في الغرب لغة و شكلاً و إجمالاً
ليه بقى محدش يطمع فينا أرضاً و آثاراً و تاريخاً !
إنتوا شايفين ان الحل اننا نتصدى للأفرو سنتريك بكلام
رأيي انهم لو شايفين عندنا حضارة قائمة و اعتزاز بتفاصيلها و مشي على نهجها …
مكانش حد يستجري يفكر او يقرب من الموضوع
بس الحقيقة ان الأهرامات في ڤيجاس مخدومة أكتر من الأهرامات بتاعتنا
و المباني في فرنسا مخدومة أكتر من مباني وسط البلد بتاعتنا
و في عصور إسلامية مرت على البلد دي آثارها رايحة في داهية بسبب الأسواق الشعبية حواليها و ان مفيش صيانات دورية ليها
يا مؤمن ده قصر البارون يوم ما جددوه ادوله وش بوية !
و الآثار بنرممها بأسمنت
مشوفتش أنضف من آثارنا اللي في اللوڤر مثلاً
فأتمنى المتحف الجديد يكون خطوة كويسة في سبيل الحفاظ على الحضارة اللي العين طولت عليها
و أتمنى نبدأ ننهض بنفسنا و نترجم العلوم الأجنبية و نبدأ من حيث انتهوا عشان نقوم من تاني
مش شايفاها صعبة بالمناسبة
كده كده عشان يحصل توازن لازم موازين الحضارة تختلف من وقت للتاني
و قد يكون كلامي مش منطقي بالنسبة لناس كتير
بس انا شايفة ان ده وقتنا او ع الأقل قربنا أوي
يا ننجح ننهض بنفسنا تاني عشان احنا في القاع مالياً و حضارياً
يا تطمس حضارتنا للأبد و نبقى ضيوف على أرضنا و يتكون أجيال جديدة ولا يلزمهم التاريخ بشلن
و اللي بالمناسبة ماليين المدارس الانترناشيونا
2
-2
