وصلة النكد اللي بتبدأها من ١٢ بالليل دي مش صدفة ابداً
جسمك طول اليوم شغال و كمان سهران فانت في اكتر اوقات ضعفك كإنسان و طبيعي هيطلع ع الوش كل مشاكلك النفسية
فتلاقي نفسك بتفكر في ماضيك و قراراتك السابقة
مع ان الماضي في المنيماليزم مش تعريف للانسان اطلاقاً بمعنى مينفعش احكم على حد ما ماضيه لأن الانسان بيغلط عشان يتعلم و لو مغلطش مش هيتعلم فلو هنقف على كل غلطة يبقى بمنع نفسي اني اتعلم و اكبر
طيب اتصالحنا مع الماضي و تمام
هنفتح وصلة تفكير في الحاضر و ايه الحياة الحياة المملة اللي انا عايشها دي
في المنيماليزم مفروض اننا بنوصل لأحسن لايف ستايل بتاعك انت لوحدك يخليك و انت عايش مستمتع بكل التفاصيل و ده مبدأ
Live in the now
أصل انا ليه اعمل حاجة مش حاببها على مدار اليوم ؟ مأجل العيشة للمستقبل مثلاً ؟؟
اوباااااا المستقبل
أيوه هاعمل ايه في المستقبل ؟ هاسد الاقساط دي ازاي و هناكل منين و هجيب الهدوم دي للعيال ازاي ؟ و اعمل ايه لو فضيت الشراكة مع الراجل المؤذي ده ؟ و اعيش ازاي لو امي ماتت ؟ و هيعملوا ايه عيالي لما يكبروا ؟ و يا ترى مراتي عملالنا ايه بكره ع الغدا ؟
هاااااار اسود ! انا هنام عشان لو مروحتش الشغل بكرة مش هنلاقي نآكل و مش هاعرف اجيب ال بي ام و المرسيدي و العيال هيطلعوا من مدارسهم و مراتي هتتشرد و انا هاموت و الحياة هتخرب
انا هتخمد هتخمد خلاص آهو !!!!
= لا بجد و الله ؟ انت عايز تنام بعد وصلة النكد دي كلها ؟ و متخيل نفسك انسان طبيعي يعني و الحياة حلوة ؟ ????
- آه يا ستي مالك !
= مليش اطلاقاً بس و الله انا لو دماغك كنت هربت منك طبيعي، فعادي لما تآخدلى منومات و مهدئات و مضادات اكتئاب !
ده انا لو قولونك كنت جبت آخر
و لو مرارتك كنت اتفقعت
و لو ضغطك كنت اترفعت
و لو قلبك كنت اتوجعت
الخ الخ الخ الخ
= طب اهدى هآخدلك مسكنات و ادوية او هدخل آكل لحد ما يجيلي سكر
- لا حول ولا قوة الا بالله ! ما ترتب نفسك يسطا
الحياة أبسط من كده بكتييييييير !!! ❤️
2
-2
